Apple Çin-dən asılılığını azaltmaq strategiyasını davam etdirərkən Hindistanda istehsal gücünü əhəmiyyətli dərəcədə genişləndirir. Şirkət son illərdə Hindistanda istehsal fəaliyyətini genişləndirmiş və xüsusilə iPhone 16 seriyası ilə bu prosesi sürətləndirmişdir. İndi Apple-ın əsas istehsal tərəfdaşlarından biri olan Foxconn bu il Hindistanda iPhone istehsalını iki dəfə artırmağı planlaşdırır.
The Economic Times-ın hesabatına görə, Foxconn Hindistanda istehsal gücünü əhəmiyyətli dərəcədə artıracaq. Şirkətin ilin sonuna qədər ölkədə 25-30 milyon iPhone istehsal edəcəyi gözlənilir. Müqayisə üçün qeyd edək ki, keçən il Foxcon Hindistana təxminən 12 milyon iPhone tədarük edib. Bu planın bir hissəsi olaraq, Foxconn Banqalurda yeni istehsal obyekti hazırlayır. Tamamlandıqdan sonra bu qurğu şirkətin müqaviləli istehsal portfelində ikinci ən böyük iPhone istehsal zavodu olacaq.
Xatırladaq ki, Qlobal təchizat zəncirinin dəyişməsi ilə Apple ABŞ və Çin arasında ticarət gərginliyinin və təchizat risklərinin qarşısını almağı hədəfləyir. Buna görə də Hindistanın Apple üçün əhəmiyyəti artır. Hazırda Hindistan qlobal iPhone istehsalında 15% paya malikdir. Bununla belə, Foxconn-un yeni istehsal müəssisəsinin tam gücünə çatması ilə Apple-ın Hindistandakı istehsal payının daha da artacağı şübhəsizdir. Yəni indiyə qədər Çindən demək olar ki, tamamilə asılı olan Apple artıq son bir neçə ildə istehsalının böyük hissəsini Hindistana keçirə bilib.
