Huawei şirkəti ,23 Mart tarixində Çində keçiriləcək tədbirdə yeni yüksək səviyyəli cihazlarını təqdim edəcək. Rəsmi təqdimatdan bir neçə gün əvvəl şirkətin iki premium flaqman telefonu, Huawei P60 seriyası və Huawei Mate X3 üçün əvvəlcədən sifariş satışları başladı. Hazırda cihazlar Çinin aparıcı e-ticarət platforması olan JD.com saytında əvvəlcədən sifariş satışlarına başlanıb. Maraqlıdır ki, smartfonlar haqqında heç bir məlumat yazılmayıb və hətta rəng seçimləri də göstərilmir.
Huawei P60 seriyasının P60, P60 Pro və P60 Artist Design Edition olmaqla üç modeldə təqdim ediləcəyi gözlənilir . Huawei P60 Pro adlanan yüksək səviyyəli modelin 6,6 düymlük 2K OLED ekran panelinə sahib olacağı bildirilir. Ekranın BOE tərəfindən istehsal ediləcəyi iddialar arasındadaır. Yaddaş və saxlama tərəfində yalnız LPDDR5x RAM və UFS 4.0 olacağı barədə məlumatlar var. Çipset tərəfində model Qualcomm Snapdragon 8 Gen 2 ilə təhciz edilib. Telefonun əsas kamerası 50MP Sony IMX888 sensoruna sahib olacaq və biz üçlü kamera quruluşunu görəcəyik. Ön kamerada 3,5x optik böyütmə qabiliyyətinə malik 64MP OV64B Omnivision sensoru olacaq.
Qatlana bilən Huawei Mate X3 modelinin daxili ekranında çərtik olmayacaq və xarici ekranda da bəzi təkmilləşdirmələr görəcəyik. Telefonun həmçinin şirkətin yeni peyk rabitəsi funksiyasını dəstəklədiyi deyilir. Bundan başqa, qatlanan telefon haqqında hələki heç bir məlumat yoxdur. Cihazlar barədə daha çox məlumat təqdimatdan sonra bəlli olacaq.
