Mozilla, (Mozilla Foundation) Google Play mağazasında məlumat təhlükəsizliyi (Data Security) bölməsində məlumatların əhəmiyyətli dərəcədə yanlış qeydə edildiyini ortaya qoyub. Hətta TikTok, Facebook və Twitter kimi proqramların 80 faizində istifadəçi məlumatlarının təhlükəsizliyi barədə məlumatların yanlış olduğunu iddia edir. Yəni, tətbiqlər təhlükəsizlik etiketində məlumatların üçüncü tərəfə göndərilmədiyini göstərsələ də, əslində bunun doğru olmadığı üzə çıxır.
Mövzu ilə bağlı hesabatda qeyd edilir: “Google Play Store-un Məlumat Təhlükəsizliyi etiketləri sizi inandıracaq ki, nə TikTok, nə də Twitter şəxsi məlumatlarınızı üçüncü tərəflərlə paylaşmır. Lakin hər iki tətbiqin məxfilik siyasətləri açıq şəkildə bildirir ki, onlar istifadəçi məlumatlarını reklam verənlər, internet xidməti təminatçıları, platformalar və bir çox digər şirkətlərlə paylaşırlar.”
Mozilla-da məxfiliyə yönəlmiş tədqiqat qrupu Play Store üzərindəki 2,7 milyon proqram arasından 40 tətbiq üzərində araşdırma aparıblar. Belə ki, araşdırmadan sonra tətbiq tərtibatçılarının məlumat təhlükəsizliyi formuna göndərdiyi təhlükəsizlik etiketlərin şirkətin özünün məxfilik siyasətinə uyğunluğu yoxlanılıb.
Mozilla-nın araşdırması nəticəsində ortaya çıxan məlumatların beşdə dördünün qeyri-dəqiq olduğunu, 40%-lik hissəsində böyük uyğunsuzluqların olduğu aşkar edilib. Bu isə proqramlarda məlumat təhlükəsizliyi ilə bağlı hansısa boşluqdan istifadə edilə biləcəyini ortaya qoyur.
Ödənişli proqramlar, əsasən pulsuz proqramlardan daha təhlükəlidir. Google Play-in ən yaxşı 20 ödənişli tətbiqinin yarısı Minecraft, Hitman Sniper və Geometry Dash daxil olmaqla ən bərbad kateqoriyada yer alır. Mağazanın ən yaxşı 20 pulsuz proqramından altısı Facebook, Messenger, Samsung Push Services, SnapChat, Facebook Lite və Twitter daxil olmaqla, “zəif” olaraq qiymətləndirilib.
Mozilla qeyd edir ki, “Google bu təhlükəyə qarşı çıxmaq üçün lazımi resursları ayırmayıb”. Təəccüblü deyil ki, Google hesabatı tənqid edib.
Google sözçüsü isə bu cür bildirib: “Bu hesabat, bir sıra məhsul və xidmətləri əhatə etmək üçün nəzərdə tutulan şirkət miqyasında məxfilik siyasətini, istifadəçiləri müəyyən bir proqramın topladığı məlumatlar haqqında məlumatlandıran fərdi Məlumat Təhlükəsizliyi etiketləri ilə qarışdırır. Mozilla Fondunun proqramların ixtiyari reytinqini, qüsurlu metodologiyanı və sübut məlumatlarının olmadığını nəzərə alsaq, bu, etiketlərin təhlükəsizliyi və ya dəqiqliyi üçün faydalı bir ölçü deyil.”
