Çin gün keçdikcə batareya sahəsində yeniliklər axtarmağa davam edir. Belə ki, bu dəfə Çin batareya texnologiyası sahəsində inqilab edə biləcək yeni niobobaotit adlı filiz kəşf etdi. Beləliklə yeni kəşf edilən bu filiz, niobobaotit batareyaların ömrünü 30 ilə qədər artıra bilər. Filizin ən vacib xüsusiyyəti çoxlu miqdarda yarımkeçiricilərə yəni niobium elementlərinə sahib olmasıdır. Ümumiyyətlə niobium batareya texnologiyaları üçün əvəzsiv rola malikdir. Məhz yeni kəşf edilən filiz batareya sahəsində bütün oyunu dəyişəcək.
South China Morning Post mənbəsinə görə, Çinin şimalında aparılan tədqiqatlar zamanı geoloqlar əvvəllər görünməyən niobobaotit adlı filiz aşkar ediblər. Bu filizin ən təəccüblü xüsusiyyəti onun tərkibində çoxlu miqdarda nadir torpaq metalı niobium olmasıdır. Bu isə o deməkdir ki, batareyalar yeni filiz vasitəsi ilə 30 il ömrə sahib olacaq. Yeni enerji saxlama həlləri axtarışında olan tədqiqatçılar bildirirlər ki, qrafen niobium batareyaları onların təklif etdiyi üstünlüklərlə enerji sektorunda yeni bir dövrə başlaya bilər.
Maraqlısı budur ki, Çin tərəfindən aşkar edilən və batareya sahəsində inqilab edə biləcək bu niobobaotit adlı filiz batareyaların sürətli şarj olmasına da imkan verir. Belə ki, bu batareyaların ən diqqət çəkən xüsusiyyətlərindən biri ultra sürətli şarj doldurma qabiliyyəti ilə 10 dəqiqədən az müddətdə tam şarj ola bilməsidir. Nadir torpaq metallar qrupuna daxil olan niobium reaktiv mühərriklərdən tutmuş raketlərə qədər bir çox sahədə istifadə olunur. Bu metalın xüsusilə aşağı temperaturda cərəyan keçirmə qabiliyyəti texnologiya dünyasında böyük maraq doğurur.
