Ultra nazik quruluşu ilə mobil bazara yeni nəfəs gətirməsi gözlənilən Samsung-un Galaxy S25 Edge modeli gözlənilən təsiri yaratmaqda çətinlik çəkir. Şirkətin böyük ümidlərlə təqdim etdiyi bu model texnologiya dünyasında həyəcan yaratsa da, satış rəqəmləri hələlik məyusedici görünür.
Sənaye mənbələrinə görə, Galaxy S25 Edge indiyədək satış hədəflərindən geri qalıb. Samsung-un cihazla öz gəlirlərini artırmaqla yanaşı, sektorda yeni təcil yaratmağı hədəflədiyi məlum idi. Ancaq görün odur ki, bu iddialı baxış reallıqla üst-üstə düşməyə bilər. Bəzi bazarlarda əvvəlcədən sifariş dövründə cihazın davamlı artan promosyonlarla dəstəklənməsi bu vəziyyətin ilk əlamətlərindən biri kimi qəbul edilir.
Öncədən sifariş edilən modellər demək olar ki, bir neçə gündən bir yenilənir və daha cəlbedici edilirdi. Bu isə istehlakçı marağının ilkin olaraq gözlənildiyi qədər yüksək olmadığını göstərir. Ümumiyyətlə isə Samsungun Cənubi Koreyada Galaxy S25 Edge-in rəsmi təqdimat mərasimində satış rəqəmlərini açıqlamaması da təəccüblü bir detaldır. Şirkət adətən güclü başlanğıcı olanda səssiz qalmır. Bu susqunluq, satışların şirkət daxilində məyus ola biləcəyinə dair başqa bir ipucu kimi şərh edilir. Bununla belə, şirkətin yeni modelləri texnologiya sahəsində smartfonların gələcəkdə çox nazik təbəqəyə sahib olacağını bir daha nümayiş etdirmişdi.
