Apple-ın istehsal və xərc problemlərinə görə standart iPhone 17 modelinin bu il iPhone 16 prosessorundan istifadə edəcəyi bildirilir. Apple haqqında irəli sürdüyü iddiaları ilə məşhurlaşan analitik iddia edir ki, Apple bu il iPhone 17 üçün yeniliyə açıq olmaya bilər.
Əgər bu doğru olarsa, Apple daha əvvəl istifadə etdiyi formulunu yenidən tətbiq edəcək və daha çox Pro modellərinə diqqət yetirəcək. Daha əvvəl qeyd etdiyimiz kimi, Apple əslində daha əvvəllər də belə hallar yaşayıb. Belə ki, ABŞ mərkəzli texnoligiya nəhəngi, standart iPhone modellərində köhnə prosessorlardan istifadə edərək müştərilərinin daha çox Pro modeli almasını istəyir. Görünən odur ki, şirkət indi də istifadəçilərin ən yeni texnologiyaya sahib olması üçün iPhone 17 Air və ya iPhone 17 Pro modellərinə üstünlük verəcək.
Ümumiyyətlə, analitik tərəfindən irəli sürülən bu iddia böyük ehtimal doğru çıxacaq. Çünki, keçmiş illərdə hətta yeni seriyanın standart modelində də yer alacaq bir sıra xüsusiyyətlər sızma mövzusu olmuşdu, lakin bu il iPhone 17 baxımından bu çox baş verməyib. Bu səbəbdən Apple-ın bu il standart modeldə böyük yeniliklər etməyəcəyi gözlənilir. Bu qərarın səbəbi kimi qiymətin ötən illə sabit qalmağa çalışması olduğu düşünülür. Donald Trampın tətbiq etdiyi vergilərdən sonra istehsal yerlərində ciddi dəyişikliklər etməli olan Apple-ın gələcəyi hələ də qeyri-müəyyəndir və bu səbəbdən şirkət iPhone 17 seriyasının təqdimatını minimal itkilərlə keçirməyə çalışır.
