Dünyanın ən çox istifadə olunan video platformalarından biri olan YouTube artıq köhnə Android cihazlarda batareya ömrü və performans itkisi kimi problemlərə səbəb ola bilər. Belə ki, YouTube artıq yenilənmə ilə birlikdə AV1 kodekinə keçəcək. Beləliklə, minlərlər istifadəçisi olan köhnə Galaxy cihazları daxil olmaqla bir çox Androd cihaz bu vəziyyətdən mənfi təsir görə bilər. Bəs gəlin görək batareya ömrü və ya perfoms itkisi kimi problemlər niyə baş verəcək?
Yeniləmələr ümumiyyətlə istifadəçi təcrübəsini yaxşılaşdırsa da, bəzən performans və ya təhlükəsizlik problemlərinə səbəb ola bilər. Bu, xüsusilə köhnə Galaxy smartfonlarından və planşetlərindən YouTube istifadə edənlərin rastlaşacağı problemə çevriləcək. Çünki məşhur video izləmə platforması YouTube yenilənmə ilə köhnə Android cihazlarda problemlərə səbəb olacaq AV1 kodekindən istifadə edəcək. Qeyd edək ki, Google, Android üçün YouTube-un indi AV1 kodek kimi tanınan “libdav1d”dən istifadə edəcəyini açıqladı. Bu yeniləmə Android 12 və daha yeni əməliyyat sistemləri olan cihazları əhatə edəcək və 2024-cü ilin martında Google Play Sistem Yeniləməsi ilə birlikdə gələcək. Yenilənmə, videoların hətta aşağı bit sürətlərində daha yaxşı görünməsini təmin edəcək.
Bununla belə, hər cihazda AV1 kodek üçün yerli aparat dəstəyi yoxdur. Bu o deməkdir ki, köhnə Galaxy telefonlarında performans problemləri ola bilər. Köhnə Android cihazları bu kodek ilə normal işləyə bilmək üçün xüsusi proqram dekoderindən istifadə etməli olacaq. Bu halda isə videonun axıcılığı aşağı düşə və batareya ömrü azala bilər.
