Xiaomi Civi 3 modeli ötən gün nəhayət təqdim edildi. Smartfon əvvəlcədən çoxlarınıza tanış olduğu üçün, əslində onun Civi 2 ilə çox bənzər olduğunu söyləməyə çox ehtiyac yoxdur. Xiaomi Civi 3 modeli dizayn cəhətdən sələfi olan Civi 2 modelindən çox fərqlənmir. Xiaomi şrikəti smartfonun sadəcə kamera modulu dizaynında dəyişikliklər edib. Dizayn daha da sadələşdirilib və göz yormayan üslubla qarşımıza çıxıb. Gövdə isə ümumilikdə dəyişməyib. Smartfon böyük bir ehtimalla növbəti il Xiaomi 14 Lite olaraq qlobal bazara gələcək.
Xiaomi Civi 3 modeli nə vəd edir?
Smartfon öz gücünü Dimensity 8200 Ultra çipsetindən alır. Sadə Dimensity 8200 ilə əsas fərqi süni intellekt sürətləndirmələrinin olmasıdır. Beləliklə, fotoların emalı daha sürətli tamamlana bilir. Qeyd edək ki, yeni smartfon sələfindən möhtəşəm performansına görə xeyli üstündür. Performansı təqribən Snapdragon 888 çipseti səviyyəsindədir.
Belə ki, Xiaomi Civi 3 modeli çinli brendin ilk 4K 30FPS Selfie videosu dəstəkləyən modelidir. Xiaomi Civi 3 modeli 4K təsvir ölçülü selfie videoları qeydə almaq imkanı verən kamera sensoru ilə təchiz edilib. Çinli bren bildirir ki, ön kameralardan biri 100 dərəcə geniş bucaqlı digəri isə 78 dərəcəli selfie kamerasıdır. Xiaomi brendi selfie kameralarını həmçinin makyaj güzgüsü də adlnadırır. Ümumiyyətlə çinli brend Civi seriyasını əsasən qadınlara əsaslanaraq hazırlayır. Məsələn 2 selfie kamerası ilə onların daha rahat vloq videoları çəkməsinə şərait yaradır. Arxa tərəfdə isə bizləri daha yaxşı 50MP IMX800 sensoru OIS ilə gücləndirilmiş vəziyyətdə gözləyir. Digər kameralarımız isə ənənəvi 8MP ultra-geniş bucaqlı, 2MP makro kameralarıdır. Həmçinin şirkət yeni smartfonuna 30 yeni kamera xüsusiyyəti, effektlər və.s əlavə edəcək.
6.55 düymlük ekran paneli ilə cihaz FHD+ təsvir ölçüsünə və 120 Hz yeniləmə tezliyinə sahibdir. 1920Hz PWM qaraltma, Dolby Vision, P3 rəng qamutu və.s kimi keyfiyyət standartlarına malikdir. Ekran panelinin özü Gorilla Glass 5 ilə qorunur. Ekran paneli sələfi ilə demək olar birə-bir eynidir. 173.5 qram ağırlığda 7.55 mm nazikliyində və 71.7 mm enində olan smartfon gündəlik istifadə üçün olduqca əlverişlidir. Çinli brend yeni smartfonun dizayn cəhətində də olduqca iddalıdır.
Smartfon 4500 mAs həcmli 67 Vt sürətli şarj dəstəkləyən batareya ilə təchiz edilib. Həqiqi stereo səs ucaldanlar quraşdırılmayıb, lakin səs sisteminin özü Dolby Atmos dəstəyinə malikdir. Smartfonun Çindəki qiymətinə gəldikdə 12-256GB yaddaşa malik variantı 353$ başlanğıc qiyməti ilə təklif edilir. Ən bahalı 16-1TB yaddaşa malik variantı isə 424$ qiymət etiketinə sahibdir.
