Ötən günlərdə dünyanın ən populyar texnologiya nəhənglərindən biri olan Apple yeni iPhone 15 seriyasını təqdim etmişdi. Hətta bir çox istifadəçi şirkətin yeni modellərini çox da bəyənməmişdi. Lakin bütün bu mənfi fikirlərə baxmayaraq Apple yeni smartfonlarının sələflərindən fərqləndiyini düşünür. Ümumiyyətlə Apple iddia edir ki, dünyanın ən yaxşı oyun konsolu məhz, iPhone 15 Pro modelidir. Bildiyimiz kimi, yeni iPhone 15 seriyası 2 fərqli çipset ilə bizlərə təqdim edilmişdi. Belə ki, sadə iPhone 15 modellər A16 Bionic, daha premium iPhone 15 Pro modelləri isə yeni A17 Pro çipseti ilə təchiz edilmişdi. Apple təqdimat tədbirində də, oyun dünyası ilə bağlə bir neçə yeniliyi bizlərə təqdim etmişdi.
İndi isə şirkətin açıqlaması oyun dünyasında böyük marağa səbəb olub. Belə ki, Apple brendinin iddiasına görə hazırda dünyanın ən yaxşı oyun konsolu məhz A17 Pro çipsetinə sahib olan iPhone 15 Pro modelidir. Çünki, Apple bu modelində ilk dəfə olaraq 3nm çipset istifadə edib. Bu isə A17 Pro ilə təchiz edilən bu cihazları, qrafik təkmilləşdirmələri ilə mobil oyun dünyasında ən çox müzakirə olunan mövzuya çevirib. Qeyd edək ki, A17 Pro çipsetin amerikalı texnologiya nəhənginin ilk Ray Tracing, yəni şüa izləmə dəstəkləyən mobil çipsetidir. Məhz bu səbəbdən Apple düşünür ki, yeni iPhone 15 Pro modelləri oyunlarda möhtəşəm performans göstərəcək. Hətta Apple təqdimat tədbirində bir ilk edərək Resident Evil Village, Resident Evil 4, Assassin’s Creed Mirage və Death Stranding kimi oyunların iPhone 15 Pro smartfonlarına əlavə ediləcəyini açıqlamışdı.
Oyun sektorunun alt-üst olması da məhz iPhone 15 pro modelinin təqdimatından sonra baş verib. Belə ki, istifadəçilər gözlənilən anın gəlib çatdığını başa düşdülər. Artıq smartfonlarında yüksək qrafikaya sahib olan oyunları rahatlıqla oynaya biləcəkdilər. Onud a qeyd dək ki, Apple USB-C giriş portu ilə birlikdə smartfonların şarj sürətini də artırmışdı. Habelə USB-C ilə birlikdə artıq 4K 60 FPS olaraq videoları ötürmək mümkün olacaq. Maraqlısı budur ki, enerji istehlakı tərəfində də müəyyən planlar mövcuddur. Belə ki, Apple şirkəti istifadəçilər rahatlıqla oyun oynaya bilməsi üçün enerji istehlakı tərəfində də təkmilləşdirmələr edib.
