2 həftə əvvəl təqdim edilən Huawei Mate 70 seriyası Çinli müştərilərin rəğbətini qazanmağa davam edir. Huawei şirkəti həmin vaxt keçirilən təqdimat tədbirində Mate 70 seriyasında istifadə edilən bütün çiplərin Çində hazırlandığını bildirmişdi. Hətta brend təmsilçisinin sözlərinə görə ölkənin çip istehsalında Mate 70 seriyası zirvəni təmsil edir.
Həqiqətən də Mate 70 seriyasında istifadə olunan bütün çiplər Çində istehsal olunur. Lakin təkcə çiplər deyil bütün komponentlərlə bağlı şirkət açıqlama verib. Şirkətin İstehlakçı Biznes Bölməsinin prezidenti Yu Chengdong müsahibəsində bildirib ki, Huawei Mate 70 seriyası tam olaraq 100% Çin istehsalıdır. 5 il ərzində 100% yerli komponentlərə keçid, 2019-cu ildə ABŞ sanksiyaları ilə çətin vəziyyətdə qalan Huawei-in cəmi 5 ildə 100% yerli istehsal komponentlərini inteqrasiyasına təsir edib.
Mate 70 seriyasının tam olaraq şirkətin yeni Kirin 9020 çipseti əsasında işləyir. Çinin yarımkeçirici istehsalçısı SMIC tərəfindən istehsal edilən prosessor xüsusiləşdirilmiş dizayndan istifadə edərək, çipset sələfi ilə müqayisədə 30% performans artımı təklif edir. Çipset həmçinin sənayenin ilk 5G-A peyk rabitə modullarını ehtiva edir.
Daha əvvəl Mate 60 seriyasına Cənubi Koreya istehsalı yaddaş çipləri var idi. Lakin bu yaxınlarda ABŞ TSMC-yə xəbərdarlıq etmişdi ki, Huawei üçüncü tərəf şirkətlər vasitəsilə TSMC-dən süni intellekt və server çipləri təmin edir. ABŞ-ın Çinə artan təzyiqi ölkəni öz çip istehsalına diqqət yetirməsinə səbəb olub. Nəticədə Huawei ən son modelində 100% Çin texnologiyalarına keçməyə məcbur olub. Beləliklə, Huawei Çinin ABŞ-dan tamamilə müstəqil və avtonom olan çip istehsal zəncirinə doğru irəliləyir.
