İnnovasiya və Rəqəmsal İnkişaf Agentliyinin keçirdiyi “digital.azerbaijan: Nailiyyətlər və IDDA Awards 2024” tədbirində “IDDA Awards 2024” müsabiqəsinin mükafatlandırma mərasimi baş tutub.
İRİA-nın İnnovasiya ekosistemi departamentinin müdiri Yevgeniya Bikmurzina açılış nitqi ilə çıxış edərək müsabiqədə iştirak edən bütün iştirakçılara öz təşəkkürünü bildirib. Yevgeniya Bikmurzina: “Müsabiqədə iştirak edən hər bir iştirakçı ekosistemə dəyər qatır. Məqsədimiz fəallığı ilə seçilən oyunçuların nailiyyətlərini ölkə miqyasında tanıtmaqdır”.
Daha sonra “IDDA Awards 2022”nin “İlin İKT Sahibkarı” nominasiyasında qalib olmuş Günay İmanzadə və “IDDA Awards 2023”ün “İlin Startapı” nominasiyasında qalib olmuş “Epoint” startapının həmtəsisçisi Həsən Həsənov çıxış edərək müsabiqədə iştirak haqqında öz təəssüratlarını, uğur hekayələrini bölüşüblər və builki iştirakçılara uğurlar arzu ediblər.
Müsabiqə 11 nominasiya üzrə aparılıb. İctimai səsvermə nəticəsində 5 finalçı seçilib. Daha sonra həmin finalçılar münsiflər heyəti tərəfindən dəyərləndirilib və hər nominasiya üzrə 3 yerin sahibləri mükafatlandırılb.
Finalçılar arasında hər nominasiya üzrə qaliblər aşağıdakı kimidir:
“İlin Startapı” – “Dosty”
“İlin Rezidenti” – “Crocusoft”
“İlin Texnologiya Tədbiri” – II Aerokosmik Modelçilik Festivalı
“İlin Bacarıq Gücü” – “SABAH Academy”
“İlin Ekosistem Oyunçusu” – “Innostart”
“İKT-də İlin Qadını” – Günel İmamquliyeva
“İlin Kəşfi” – “Corpowid”
“Ekosistemin Lokomotivi” – İsa Qasımov
“İlin Rəqəmsal Layihəsi” – Dövlət Tibbi-Sosial Ekspertiza və Reabilitasiya Agentliyi
“İlin Texnologiya İnfluenseri” – Mirsəid Mirzəzadə
“İlin İcması – “ProductTank Baku”
Qeyd edək ki, “IDDA Awards” müsabiqəsinin keçirilməsində əsas məqsəd ekosistemin ən perspektivli innovatorlarını tanıtmaq, onların fəaliyyətini dəstəkləmək, ölkənin innovasiya üzrə inkişafında aktiv iştirak edən oyunçular arasında rəqabət mühiti yaratmaqdır. “IDDA Awards” müsabiqəsi haqqında ətraflı məlumatı https://awards.idda.az/az saytından əldə etmək olar.
