Samsung şirkəti CES 2023 çərçivəsində yeni məhsullarını tanıtmağa davam etdirir. Əvvəlki xəbərlərimizdə şirkətin həm qatlanan, həm də uzana bilən yeni məhsulu Flex Hybrid OLED haqqında məlumat vermişdik və bu modelin CES 2023 sərgisində nümayiş etdiriləcəyindən xəbərdarıq. Arıyca şirkət 4000 nit parlaqlıq təklif edən yeni The Freestyle seriyası proyektorunu və televizorunu təqdim edib.
CES 2023 sərgisinin ən əhəmiyyətli şirkətlərindən biri olan Samsung, bu gün etdiyi elanlar çərçivəsində ilk olaraq yeni The Freestyle proyektor modeli ilə ortaya çıxdı. CES 2022-də təqdim edilən ilk versiya kimi portativ olan model “Freestyle 2023” adlanır. Yeni modelin ən diqqət çəkən xüsusiyyəti “Edge Blending” adlı mühüm texnologiyadır. Bu texnologiya sayəsində iki proyektor sinxronlaşdırıla və bir proyektor kimi ümumi təsviri göstərə bilir. Bu yolla insanlar nəhəng ultra geniş bucaq və ya şaquli baxış sahəsi əldə edə bilərlər. Qeyd etmək lazımdır ki, Gaming Hub vasitəsilə bulud oyun dəstəyi gətirən məhsul, CES 2023 sərgisində təqdim edilən yeganə proyektor modeli deyil.
Samsung şirkətinin CES 2023 sərgisində təqdim edəcəkləri dünyada bir ilkdir
Sərgidə Samsung tərəfindən Premiere 8K modeli də təqdim edildi. 8K təsvri ölçüsündə 150 düymə qədər görüntü göstərə bilən model bu texniki xüsusiyyətləri və qısa məsafədən görüntü yaradan 8K proyektor kimi dünyada bir ilkdir. Üç kanallı lazer işıqlandırmasına malik Premiere 8K modeli 4000 ANSI lümen parlaqlığı ilə seçilir və “100W” gücləndirlməli Dolby Atmos səs sistemi ilə qarşımıza çıxır. Xüsusilə evində televizor sevməyənlər və ya yerini televizor üçün işlətmək istəməynlər üçün bu cihaz olduqca qiymətli olacaq. Qiyməti isə rəsmi açıqlanmasa belə 3500-6500$ arasında dəyişə bilər.
Bütün bunlara əlavə olaraq, şirkətin məhsullarına 4000 nit parlaqlıq təklif edən QN900C televizoru da əlavə olunub. Bu model 8K QLED panelinə malikdir və mini-LED əsasında parlaqlıq baxımından limitləri aradan qaldıracaq.
