Tesla və SpaceX şirkətlərinin sahibi, məşhur milyarder Elon Musk-ın təxmin edilən xalis sərvəti 400 milyard dolları keçib. Beləliklə, Musk sərvəti 400 milyard dolları ötən ilk insan olaraq tarixə düşməyi bacarıb.
Bloomberg Milyarderlər İndeksinə görə, Muskın sərvəti birdən-birə 50 milyard dollar artaraq 439,2 milyard dollara çatıb. Məşhur milyarderin sərvətindəki bu son artım SpaceX-in səhmlərinin xüsusi satışı ilə bağlı olub və nəticədə onun bazar dəyəri 350 milyard dollara yüksəlib. Qeyd edək ki, Muskın şirkətin 42%-nə sahib olduğu bildirilir. Teslanın səhmlərinin qiymətindəki dəyişikliklər səbəbindən Elon-un dünyanın ən varlı adamları siyahısındakı mövqeyi daim dəyişirdi. Bununla belə, Musk sonuncu dəfə may ayından bəri dünyanın ən varlı adamı titulunu öz əlində tutur.
Xüsusilə Teslanın səhmlərinin artması Muskın sərvətinin artmasının ən mühüm səbəblərindən biridir. Trampın sürücüsüz nəqliyyat vasitələrinin istehsalını asanlaşdıracağı və Tesla-ya rəqibləri üzərində üstünlük verən elektrikli avtomobil təşviqlərini aradan qaldıracağı gözləntiləri ilə Tesla səhmləri seçkidən əvvəl təxminən 65 faiz artıb. Forbes tərəfindən dərc edilən Muskın sərvətini təxminən 369 milyard dollar qiymətləndirir. Habelə, siyahıda Amazon-un qurucusu Ceff Bezos 2-ci, Oracle-ın qurucusu Larri Ellison isə 3-cü yerdədir. Bununla belə, Elon Musk sərvəti ilə 400 milyard dolları əldə etməyi bacaran ilk insan olaraq tarixə öz adını yazdırıb.
