Geyilə bilən cihaz bazarında, xüsusilə ağıllı saat və qolbaq satışlarında bir neçə müddətdir ki, durğunluq mövcuddur. Belə ki, satışlarda 2023-cü ilin eyni dövrü ilə müqayisədə 2024-cü ilin 3-cü rübündə cüzi artım göstərilib. Canalys analitiklərinə görə hesabat dövründə cəmi 52,9 milyon cihaz tədarük edilib, lakin bu həcmin paylanması hələ də çətin olaraq qalır.
Ağıllı qolbaqlar ən böyük müsbət tendensiya nümayiş etdirərək 7 faiz artımla 10,4 milyon ədədə çatıb. Bununla belə, ağıllı qolbaq və ya saat satışlarında ötən illərə nəzərən durğunluq mövcuddur. Hətta satışlar 2020-ci ilin 3-cü rübündən bəri azalmağa doğru gedir. Bununla belə son 3 ilin ilk artımı bu ilin 3-cü rübündə qeydə alınıb. Analitiklər bu artımı inkişaf etməkdə olan bazarlarda güclü tələbatla əlaqələndirirlər. Latın Amerikası, Avropa, Afrika və Yaxın Şərqdə ən populyar modellər Xiaomi Smart Band 9 və Samsung Galaxy Fit3 olub.
Xiaomi-nin qolbaq seqmentində tədarükləri 16,1 faiz bazar payını təmsil edən 8,5 milyon ədədə çatıb. Maraqlısı budur ki, Apple şirkəti də eyni miqdarda satış edib. Ağıllı saat bazarının məşhur modellərindən biri də Redmi Watch 5-dir. Habelə, Xiaomi Watch S satışları son rübdə 70% artıb. Qazanılan mənfəət tərəfində isə bölgü biraz daha fərqlidir. Belə ki, Apple-ın bazar payı 40%, Xiaomi-nin payı 4%-dir. Çünki Çin istehsalçısının məhsul çeşidi daha sərfəli cihazlar ilə məşhurdur.
