Beləliklə, dünyanın ilk ev heyvanı telefonu adlandırılan yeni PetPhone Mobil Dünya Konqresində təqdim edilib. Səsli cavab funksiyasına sahib olan cihaz sahibinin səsini ötürə və emosional vəziyyətini anlaya bilər.
Ümumiyyətlə, dünyanın ən böyük mobil texnologiya sərgilərindən biri olan Mobile World Congress (MWC) 2025 hər il olduğu kimi bu il də bir çox maraqlı məhsullara ev sahibliyi edib. Bu ilin ən qeyri-adi qurğularından biri GlocalMe tərəfindən istehsal olunan PetPhone olub. Dünyanın ilk ev heyvanı telefonu olaraq təqdim edilən PetPhone ev heyvanlarımızın yerini izləməyə imkan verir və onların əhval-ruhiyyəsini təhlil edərək bizə məlumat verir. Bu gün bir çox ağıllı yaxalıqlar və ya GPS-dəstəklənən izləmə cihazları ev heyvanları sahiblərinə məkan izləmə kimi əsas funksiyaları təklif etsə də, PetPhone bundan daha çox şey vəd edərək bütün diqqətləri öz üzərinə cəlb edir.
Belə ki, bu cihaz heyvanın emosional vəziyyətini təhlil edərək onun stressli, xoşbəxt və ya narahat olduğunu müəyyən edə bilir və ani bildirişlər göndərərək sahibinə məlumat verir. PetPhone-un ən yaxşı xüsusiyyətlərindən biri səs əmrləri ilə uzaqdan cavab vermək qabiliyyətidir. Heyvan sahibləri cihaz vasitəsilə səslərini yaza və bu səsi uzaqdan ötürə bilərlər. Əgər ev heyvanınız müsbət cavab verirsə və səsinizi eşitdikdə sevinirsə, bu sistem onların narahatlığını azaltmaqda və ya sakitləşdirməkdə çox faydalı ola bilər. Heyvan sahibləri üçün ən böyük narahatlıqlardan biri itmək riskidir. Bu problemi həll etmək üçün PetPhone GPS, Wi-Fi və Bluetooth bağlantılarını birləşdirir və yerin izlənilməsini aktivləşdirir. Cihaz həmçinin GlocalMe-nin CloudSIM (eSIM-ə bənzər struktur) texnologiyasına malikdir.
