Apple-ın iPhone modelləri arasında ən sərfəli olacağı iddia edilən iPhone SE 4-ün maket görüntləri ortaya çıxıb. Beləliklə, bu görüntülər iPhone SE 4 modelinin dizaynının necə olacağı ilə bağlı fikir irəli sürməyə imkan verir.
Bildiyimiz kimi, Apple 2022-ci ildən bəri iPhone SE seriyasını yeniləməyib. Buna görə də, analitiklər iPhone SE 4-ün 2025-ci ildə qarşımıza çıxacağını düşünür. Yeni maket görüntüləri iPhone SE 4 modelinin əsasən iPhone 14 ölçüsündə olacağını göstərir. Macotakara tərəfindən paylaşılan iPhone SE 4 maket modeli əvvəlki şayiələri təsdiqləyir. Bu şayiələrə isə Tək arxa kamera, Fəaliyyət düyməsi əvəzinə səssiz düymə və Face ID ilə daha kiçik çəntik aid idi. Maket qurğunun ölçüləri isə iPhone 14 ilə eynidir yəni, 146,7 x 71,5 x 7,8 mm-dir. Bununla belə, iPhone 14 ikili kamera ilə, iPhone SE 4 isə tək kamera ilə gələcəyi üçün korpus uyğun gəlməyəcək. Səs düymələri və yan düymə demək olar ki, eyni ölçüdə olsa da, səssiz düymə iPhone 14-dən bir qədər kiçikdir.
iPhone SE 4-ün model şəkilləri paylaşılarkən, Plus modelindən də bəhs edilir. iPhone 14 Plus ilə eyni ölçüdə daha böyük ölçü variantının olacağı deyilir. Ancaq indiyə qədər iPhone SE 4 Plus və başqa cür adlandırılan bir model heç vaxt gündəmdə olmadığı üçün Apple şirkətinin mövcud iPhone SE modelləri yalnız tək ölçüdə təqdim edilib. Qeyd edək ki, iPhone SE 4-ün 6,1 düymlük OLED ekran, A18 çipi, 48 MP tək arxa kamera ilə gələcəyi də iddialar arasında yer alır. Apple-ın bu smartfonda ilk dəfə öz 5G modemini istifadə edəcəyi gözlənilir.
