Apple yaxın aylarda yeni iPhone 15 seriyası ilə birlikdə 2 yeni Apple Watch modeli də təqdim edəcək. Xatırladaq ki, ötən il texnologiya nəhəngi yeni smartfonları ilə birlikdə Apple Watch Ultra, Watch 8, Watch SE 2 ağıllı saatlarını təqdim etmişdi. İndi isə Apple ötən il ilk dəfə bazara çıxardığı Watch Ultra modelinin 2-ci versiyasını təqdim edəcək. Bundan əlavə Apple sentyabrda 4 yeni iPhone 15 modeli də təqdim etməyi planlayır. Həmçinin yeni təqdim ediləcək Watch Series 9 saatları da 41 və 45mm olmaqla 2 versiyada təklif ediləcək.
Hələlik yeni Watch modelləri barədə çox məlumat olmasa da, Apple şirkətinin 2 yeni Watch modelini də S9 çipseti ilə təchiz ediləcəyi və yüksək performansa sahib olacağı gözlənilir. Həmçinin Apple yeni Watch Ultra modelini qara rəngdə təqdim edəcək. Artıq Apple microLED ekranlı Watch Ultra modeli üzərində də işləyir. Bu texnologiyanın əvvəlcə 2024, daha sonra isə 2026-cı ildə satışa çıxarılacağı məlum olub. Yəni yeni təqdim ediləcək iPhone və Apple Watch modelləri OLED ekranlara sahib olmağa davam edəcək.
Bundan əlavə qeyd etdik ki, iPhone 15 seriyası 4 modelə sahib olacaq. Bunlar 15, 15 Plus, 15 Pro və 15 Pro Max olacaq. Dizayn tərəfində Apple şirkətinin böyük dəyişiklik etməyəcəyi gözlənilir. Lakin iPhone 15 Pro və Pro Max modelləri daha möhkəm və daha yüngül titan korpusa sahib olacaq. Həmçinin texnologiya nəhəngi bu modellərdə LIPO adlı texnologiyadan istifadə edəcək. Bununla da iPhone 15 seriyasını təmir etmək daha asan olacaq.
