Beləliklə, Android 15 yenilənməsi Pixel smartfonlardan sonra digər cihazlar üçün də gəlir. Qeyd edək ki, artıq ən yeni Android 15 beta versiyasını alacaq ilk smartfonlar bəlli olub. Android 15 beta 2-nin buraxılması ilə beta proqramına daxil olan istehsalçılar və yenilənməni alacaq cihazlar açıqlanıb.
Google Android 15 beta 2-ni buraxdı və yeni Android versiyasını yayacaq istehsalçıların siyahısını paylaşdı. Android 15 beta proqramına daxil olan istehsalçılara Xiaomi, Realme, Oppo, Honor, Vivo, OnePlus, Nothing, Sharp, Tecno, Lenovo və Nothing aiddir. Beləliklə, Android 15 beta yeniləmələrini ilk olaraq hansı telefonlar alacaq?
İndiyə qədər açıqlanan məlumatlara görə Android 15 beta yeniləmələrini alacaq ilk smartfonlar aşağıdakılardır:
- Google Pixel 6, 7, 8 seriyası
- HONOR Magic 6 Pro
- HONOR Magic V2
- Vivo X100
- iQOO 12
- Lenovo Tab Extreme
- Nothing Phone(2a)
- OnePlus 12
- OPPO N3
- Realme 12 Pro+ 5G
- Sharp Aquos Sense 8
- Tecno Camon 30 Pro 5G
- Xiaomi 14
- Xiaomi 13T Pro
- Xiaomi Pad 6S Pro 12.4
Qeyd edək ki, Honor brendi, Android 15 beta versiyasını Magic 6 Pro və Magic V2 qatlanan smartfonlarına sahib tərtibatçılara əlçatan edəcək. Şirkət həmçinin bildirib ki, bu yayın sonunda Android 15 beta versiyasına növbəti yeniləmə ilə tərtibatçıları dəstəkləməyə davam edəcək. OnePlus, Google-dan sonra Android 15 beta versiyasını təqdim edən ilk OEM oldu. OnePlus 12 və OnePlus Open qatlana bilən smartfonu Android 15 beta yenilənməsini alıb. Bununla belə, şirkət istifadəçilərə Bluetooth və WiFi problemləri ilə üzləşə biləcəkləri barədə xəbərdarlıq edib.
Keçən il olduğu kimi Lenovo planşet istifadəçilərinə Android-in yeni versiyasını təqdim edəcək. Yalnız Lenovo Tab Extreme (WiFi modeli) Android 15 beta versiyasını əldə edəcək. Realme 12 Pro Plus modelinə Android 15 beta yeniləməsini verdi. Xiaomi 13T Pro və Xiaomi 14 ilə yanaşı, Xiaomi Pad 6S Pro 12,4 düym Android 15 beta proqramına daxil edilmiş cihazlardan olub.
