MediaTek şirkəti gələn il təqdim edəcəyi flaqman çipsetində NVIDIA şirkətinin qrafik sürətləndiricisindən istifadə edəcək. Belə ki, insayderlər texnologiya nəhənglərinin artıq razılıq əldə etdiklərini bildirir. MediaTek şirkətinin prosessorların süni intellekt və oyun performansını yaxşılaşdırmaq üçün Nvidia şirkəti ilə əməkdaşlıq etdiyi idda olunur. Həmçinin hər iki şirkətin laptoplar üçün Windows on ARM yəni WOA platforması üçün əməkdaşlıq edəcəyi gözlənilir. Bu əməkdaşlıq texnologiya səhəsində gələcəkdə daha böyük nailiyyətlərə imza ata bilər.
Bildiyimiz kimi hal-hazırda WOA platformu Snapdragon çipsetləri ilə işləsə də, uğurlu nəticə vermir. Lakin MediaTek şirkəti ilə NVIDIA şirkətinin əməkdaşlığı bu platformanın gələcəyi üçün də uğurlu olacaq. Bundan əlavə MediaTek bu yaxınlarda Snapdragon-un flaqman çipsetlərinə rəqib olan yeni Dimensity 9200 çipsetini təqdim etmişdi. Lakin yeni NVIDIA qrafik sürətləndiricilərinin şirkətin çipsetlərini nə dərəcədə yaxşılaşdıracağı sual altındadır. Qeyd etdik ki, WOA platformansı elə də uğurlu nəticə vermir. Bunun əsas səbəbi cihazları sabitlik və performans probelmləridir. 2 texnologiya nəhəngi bu problemləri aradan qaldırmaq üçün birlikdə çalışacaq.
Qeyd edək ki, insayderlər MediaTek və NVIDIA şirkətlərinin əməkdaşlığının yalnız 1 çipset ilə məhdudlaşmayacağını bildirir. Belə ki, şirkət NVIDIA qrafik sürətləndiricisi ilə təchiz edilmiş bir neçə fərqli çipset təqdim edə bilər. Hətta bu çipsetlərin flaqman, orta və giriş səviyyələrində olacağı gözlənilir. Maraqlısı budur ki, şirkət NVIDIA qrafik sürətləndiricilərindən necə istifadə edəcək. Ümumiyyətlər MediaTek gələn il Snapdragon prosessorlarını geridə qoya bilər.
