Ötən günlərdə Huawei brendi son dörlərdəki ən böyük uğuruna imza atmışdı. Belə ki, çinli texnologiya nəhəngi Kirin 9000s çipsetini hazırlayaraq yeni Mate 60 Pro modelinə əlavə etmişdi. ABŞ sanksiyalarına rəğmən öz gücü ilə belə bir çipset hazırlamağı bacaran Huawei artıq qlobal bazarda da dəyərlənir. Qeyd edək ki, Mate 60 Pro modelinin qalmaqallı xəbəri brendin satış hədəfini 20% artırıb. Bu isə onu göstərir ki, çinin texnologiya nəhəngi yenidən əvvəlki bazar mövqeyini bərpa etməyə başlayıb.
Xatırladaq ki, ötən günlərdə ABŞ-ın qadağan olunmuş texnologiyaya görə Huawei çipsetini araşdırdığı barədə xəbər vermişdik. Hətta bu xəbər çindəki çipset istehsalçılarının səhmlərinin bir anda dəyərlənməsinə səbəb olmuşdu. Kirin 9000s Huawei şirkətinin uzunmüddətdən sonra qlobal mövqeyini bərpa etməsinə şərait yaradıb. Maraqlısı budur ki, Huawei brendi bunu ABŞ sanksiyalarına rəğmən edə bilib. 5G bağlantısı imkanı təklif edən Kirin 900s Mate 60 Pro seriyasının da gözləniləndən daha sürətli satılmasına səbəb olub. Hətta şirkət öz illik istehsal proqnozunu da artırıb. Belə ki, şirkətin hədəfi 30 milyondan 38 milyona yüksəlib.
Lakin hələdə bu uğur çinli texnologiya nəhənginin qursağında qala bilər. Çünki ABŞ çinli nəhəngin çipseti qadağan olunmuş texnologiyalardan istifadə edərək hazırladığını düşünür. Məhz bu səbəbdən ABŞ rəsmiləri çin smartfon istehsalçısının sanksiyalarla məhdudlaşdırılan texnologiyalardan istifadə edib-etmədiyini öyrənmək üçün araşdırmaya başlayıb. Belə ki, abş bu çipsetin qadağan edilmiş SMIC 2-ci nəsil 7nm istehsal texnologiyasından hazırlandığını düşünür. Əgər huawei həqiqətəndə ixrac lisenziyası olmadan bu texnoligiyadan istifadə edərək çipset hazırlayıbsa ciddi cəzalara məruz qala bilər. Lakin bütün bunlara baxmayaraq Huawei şirkəti hal-hazırda qlobal bazarda durmadan dəyərlənir.
