Beləliklə, Google Axtarış alqoritminin hansı amilləri nəzərə aldığını izah edən minlərlə səhifəlik daxili sənədlər internetə sızdırılıb. Sənəddə olan məlumata görə, Google heç də reallığı əks etdirmir. Ümumiyyətlə bilməyənlər üçün qeyd edək ki, Google-un axtarış alqoritmi, internetdə nəsə axtardığımız zaman hansı saytların yayımlanmağa davam edəcəyini və hansı məzmunla qarşılaşacağımızı göstərmək baxımından bəlkə də internetdə ən əhəmiyyətli sistemdir.
![Google axtarış](https://tedroid.com/media/2024/05/google-axtaris-alqoritmi-sizdirilib.webp)
Bununla belə, Google-un vebsaytları hansı meyarlara görə sıralaması sirr olaraq qalır və uzun müddətdir ki, jurnalistlər, tədqiqatçılar və SEO sahəsində çalışan insanlar tərəfindən araşdırılır. İndi, minlərlə səhifəlik sızdırılmış insayder sənədi sızdırılıb və Google Axtarış alqoritminin necə işlədiyinə nəzər salır. Bəs gəlin görək 2500 səhifəlik bu sənəddə nələr yazılıb?
SEO sahəsində olduqca təcrübəli olan Rand Fishkin ilə paylaşılan 2500 səhifəlik sənəd, Google-un axtarış API-sini təsvir edir və işçilərə hansı məlumatların verildiyini göstərir. Qeyd edək ki, sızdırılan bu sənəd çox ətraflı və texniki bilik tələb etdiyi üçün hər kəs tərəfindən başa düşülməsi çətindir. Bu, Google-un veb səhifələrdən, saytlardan və axtarış istifadəçilərindən hansı məlumatları topladığını təsvir edir. Sızdırılan sənədlər Google-un hansı məlumatları topladığı və istifadə etdiyi, seçkilər kimi həssas mövzular üçün hansı saytlara üstünlük verdiyi, kiçik veb saytları necə idarə etdiyi və s. kimi mövzulara toxunur. Sənədlə tanış olanların fikrincə, bəzi məlumatlar Google nümayəndələrinin ictimaiyyətə verdiyi açıqlamalarla ziddiyyət təşkil edir.
Reytinqdə Google Chrome məlumatlarından istifadə edilib-edilməməsi ilə bağlı da məlumat paylaşılıb. Google nümayəndələri dəfələrlə qeyd ediblər ki, onlar səhifələri sıralamaq üçün Chrome məlumatlarından istifadə etmirlər, lakin sənəddə Chrome-un adı çəkilir. Verge mənbəsi bildirir ki, axtarış nəticələrində URL-in altında görünən keçidlər qismən Chrome məlumatlarından istifadə etməklə yaradılmış ola bilər. E-E-A-T-nin reytinqdə rol oynayıb-oynamadığı da çox maraqlıdır. Belə ki, E-E-A-T (Təcrübə, Ekspertiza, Səlahiyyətlilik və Güvən) nəticələrin keyfiyyətini qiymətləndirmək üçün istifadə edilən Google metrikasıdır və təcrübə, səlahiyyət və etibarı ifadə edir. Google nümayəndələri əvvəllər bunun reytinq faktoru olmadığını bildiriblər.