Hər ötən gün iPhone 17 təqdimatına yaxınlaşdığımız bu günlərdə Apple bütün iPhone 17 seriyasına ProMotion displeylərinə daxil edəcək iddiası ortaya çıxıb. Belə ki, yeni iddialara görə, Apple yeni iPhone 17 seriyasında sadəcə dizaynı deyil, həm də ekran yenilənmə tezliklərini də yeniləyərək 120Hz edəcək.
Qeyd edək ki, Apple-ın yeni nəsil iPhone 17 modeli, uzun müddətdir ki, Pro modelləri üçün eksklüziv olan ProMotion displey texnologiyasını əldə edir. Bloomberg-in yeni hesabatına görə, bu qabaqcıl ekran texnologiyası indi standart iPhone 17 istifadəçiləri üçün 120Hz yeniləmə sürəti təcrübəsi təqdim edəcək. Apple ilk dəfə 2017-ci ildə iPad Pro-da ProMotion texnologiyasını təqdim edib. 2021-ci ildə iPhone 13 Pro modellərinə gələn bu texnologiya ekranın yeniləmə sürətini 10 Hz ilə 120 Hz arasında dinamik şəkildə tənzimləyərək həm performansını artırır, həm də batareyanın ömrünü qoruyur.
Uzun müddətdir ki, Pro model iPhone-lara xas olan bu inkişafla iPhone 17 seriyasındakı bütün modellərdə 120Hz ekranlar mövcud olacaq. Yüksək yeniləmə sürəti bu günlərdə telefon axtararkən diqqət etdiyimiz ən vacib məqamlardan biri olsa da, ən sərfəli Android cihazlarında belə asanlıqla tapıla bilən bir xüsusiyyət olsa da, Apple təəssüf ki, standart model iPhone-larda 60 Hz ekranlar təqdim etməyə davam etmişdi. Bu il təqdim ediləcək yeni seriya ilə isə Apple brendinin iPhone-larında 60 Hz ekranlar keçmişdə qalacaq.
