New York Times mənbəsi bildirir ki, son illərdə Apple ən böyük istehlak bazarı hesab olunan Çini itirməyə başlayıb. Belə ki, analitiklərin fikrincə Apple artıq bu bazarda liderlik edə bilmir. İllərdir ki, Apple ölkədəki birinci dərəcəli smartfon bazarına hakim olub və başqa heç bir şirkət onunla rəqabət apara bilməyib. Lakin 2019-cu ildən sonra bu vəziyyət xeyli dəyişməyə başladı. Hətta 2024-cü ildə vəziyyət o qədər pisləşdi ki, iPhone satışları əvvəlki ilə nisbətən 24% azaldı.
Counterpoint Research mənbəsinə görə, ümumilikdə yeni bir cihaz almaq istəyən Çinli müştərilər üçün ilin ən sıx mövsümü olan ilk altı həftədə iPhone satışlarında kəskin azalma yaşanıb. Eyni zamanda insanlar, Huawei brendindən ağıllı telefon satın almaq mövzusunda daha aktivdirlər. Belə ki, Huawei smartfonlarının satışı 64% artıb. Bu isə bir daha sübut edir ki, Apple ən böyük istehlak bazarı olan Çini tədricən itirir. Bir yandan analitiklər, Vision Pro qulaqlıqlarının yüksək qiyməti ilə bağlı uğursuz olacağını da iddia edir. Həmçinin Apple Avropa Bazarı üçün bir çox planlarında dəyişiklik etməyə məcbur olduğu üçün də problemlərlə üzləşir.
Son olaraq isə Çin bazarında əldə edilən uğursuzluq Apple şirkətini həqiqətəndə çox çətin bir dövrə sürükləyir. Qeyd edək ki, Çin bazarı bir çox texnologiya nəhəngi eləcə də Apple üçün çox önəmli hesab olunur. Belə ki, iPhone satışları üçün Çin bazarı önəm daşıyır. Apple satışlarının təxminən 20% hissəsini bu ölkədə və ya bu bazarda həyata keçirir. Analitiklərə görə Çin bazarında əldə edilən uğursuzluq əsasən səlahiyyətli şəxslərin insanları ABŞ mərkəzli smartfonlardan uzaq durmağa təzyiq etməsi ilə bağlıdır. Xüsusilə Huawei brendinin dünyada yenidən canlanması bu vəziyyətin ən önəmli səbəblərindən biridir.
