Ötən günlərdə baş tutan Google I/O 2023 tədbiri süni intellekt texnologiyası sahəsində olan müxtəlif yeniliklər ilə zəngin idi. Texnologiya nəhəngi tədbirdə həmçinin 3 yeni modelini də təqdim etmişdi. Həmçinin Google Android 14 əməliyyat sisteminə əlavə edilimiş yeni xüsusiyyətlərdən də bəhs etmişdi. Qeyd edək ki, Android 14 əməliyyat sisteminə əlavə ediləcək yeni Ultra HDR şəkil funksiyası yalnız Snapdragon 8 Gen 2 prosessoru ilə təchiz edilmiş modellər üçün əlçatan olacaq. Bu isə o deməkdir ki, yeni funksiya yalnız flaqman modellər üçün əlçatan olacaq.
Google şirkətinin təşkil etdiyi tədbirdə Ultra HDR təsvir ölçüsündə şəkil nümunə olaraq təqdim edilmişdi. Yeni Android 14 funksiyası olan Ultra HDR 8 bitdən çox dinamik aralığı təqdim edir. Həmçinin yeni funksiya şəkillərin məhz JPEG formatında olmasına da imkan verir. Yeni funksiya ilə fotoaparatlar ilə müqayisə oluna biləcək performansda şəkilləri yalnız smartfon ilə çəkmək mümkün olacaq. Həmçinin Google bildirmişdi ki, Ultra HDR formatındakı şəkillərə standart dinamik aralığından (SDR) yüksək dinamik aralığına qədər (HDR) müxtəlif yollar ilə baxmaq olar. Bu xüsusiyyət ilə də istifadəçilər yeni formatdakı şəkilləri başqaları ilə asanlıqla paylaşacaq.
Qeyd edək ki, yeni Android 14 funksiyası olan Ultra HDR Snapdragon 8 Gen 2 prosessorlu smartfonlarda işləyəcək. Bununla bağlı Qualcomm Android komandası ilə birliktə çalışır. Ümumiyyətlə demək olar ki, yeni funksiya təqdim edildikdə Snapdragon 8 Gen 2 ilə təchiz edilmiş flaqman smartfonlar Ultra HDR şəkillər çəkə biləcək.
