Beləliklə, Sensor Tower tərəfindən dərc edilən yeni hesabat 1 il ərzində süni intellektə nə qədər pul xərclədiyimizi məlum edib. Ümumiyyətlə, Süni intellekt, şübhəsiz ki, dövrümüzün ən böyük texnologiyasıdır. İndi bir çox insanlar gündəlik həyatlarında süni intellekt alətlərindən istifadə etməyi seçirlər.
Bəs biz bu proqramlara nə qədər pul xərcləyirik? Sensor Tower tərəfindən dərc edilən yeni hesabat bu suala cavab verib. Adi istifadəçilərin süni intellekt tətbiqlərinə xərclədiyi məbləğ əvvəlki illə müqayisədə kəskin artıb. Hesabata görə, süni intellekt tətbiqləri üzrə ümumi xərclər keçən il 13% artaraq 150 milyard dollara çatıb. Adi istifadəçiləri əhatə edən istehlak xərcləri də artan tələb səbəbindən inanılmaz dərəcədə artıb. Belə ki, ChatGPT kimi süni intellekt proqramlarına 1 il ərzində istehlakçı xərcləri 1,1 milyard dollar səviyyəsinə çatıb. Bu, əvvəlki illə müqayisədə 200% artım mənasına gəlir.
Əgər bu artım tempi davam edərsə süni intellekt tətbiqləri tezliklə istehlak xərclərinin ilk 10-luğuna daxil ola bilər. Qeyd edək ki, xərclərin il ərzində sabit qaldığı da bildirilib. Əsasən isə GPT-4o-nun təqdim edildiyi yay aylarında artım müşahidə olunub. Bunlardan başqa, istifadəçilərin süni intellekt tətbiqləri və yükləmə məlumatlarına nə qədər vaxt sərf etdiyi də daxil edilib. Keçən il istifadəçilər bu proqramlara ümumilikdə 7,7 milyard saat sərf ediblər. Adlarında “AI” sözü olan proqramların yüklənməsinin sayı 17 milyarda çatıb. Əlavə edilib ki, təkcə ChatGPT-nin aylıq 50 milyondan çox aktiv istifadəçisi var. Bir sözlə, bu məlumatlar süni intellekt əsrində olduğumuzu bir daha ortaya qoyur. Şirkətlərin süni intellektə investisiyalarını artırdığını nəzərə alsaq, gələn il bu rəqəmlərin daha çox olacağını proqnozlaşdırmaq elə də çətin deyil.
