8 – 9 iyun, 2024-cü il tarixində ilk dəfə universitet tələbələri, gənclər və yeniyetmələr arasında Azərbaycanda Dünya Robot Çempionatının Azərbaycan finalı keçirilir.
![Azərbaycanda Dünya Robot](https://tedroid.com/media/2024/06/azerbaycan-dunya-robot-cempionat.jpg)
Azərbaycan Respublikası Gənclər və İdman Nazirliyi və İnnovasiya və Rəqəmsal İnkişaf Agentliyinin dəstəyi, Azərbaycan Robotexnika Mühəndisliyi Akademiyası (AREA)nın təşkilatçılığı ilə Bakı İdman Sarayında 250 gənc mübarizə aparacaq.
Yarışmada gənclər 5 kateqoriya üzrə mübarizə aparacaqlar:
- Robot Döyüşü (Bots Combat) – xüsusi hazırlanmış arenada komandalar hazırladıqları “döyüş robot”ları ilə çıxış edəcəklər.
- Robot Futbolu (Robosoccer) – futbol arenasını xatırladan ərazidə komandaların hazırladıqları robotlar futbol oynu oynacaqlar.
- Dron yarışması – Komandalar düzəltdikləri pilotsuz uçuş aparatları(dron) ilə bir-birləri ilə yarışacaqlar.
- Aviamodelizm (RC Craft) – Komandalar uçuş aparatlarının hazırlayacaq və idarə edilməsu üzrə yarışacaqlar.
- İnnovasiya müsabiqəsi (Innovation contest) – Komandalar müvafiq sahələr üzrə hazırladıqları innovasiya layihələrini təqdim edəcəklər.
Dünya Robot Çempionatının Azərbaycan Finalı Azərbaycanda yeniyetmə və gənclər arasında robotexnika, dron və mühəndislik sahələri üzrə bacarıqlı kadrların aşkara çıxarılması və cari ilin avqust ayında Hindistanın paytaxtı Yeni Dehli şəhərində keçiriləcək Dünya Robot Çempionatının finalında Azərbaycanı təmsil etmək üçün komandaların hazırlanmasını qarşını məqsəd qoymuş layihədir.
8 iyun 2024-cü il tarixi saat 14:00-da tədbirin rəsmi açılış mərasiminə hər kəsi dəvət edirik.