Google şirkəti, smartfonları cihaz sönülü olduqda belə tapa biləcək yeniləmə üzərində işləyir. Belə ki, cihazımı tap funksiyası olduqca təkmilləşərək tamamilə yararlı imkanlar əldə edəcək. Google şirkətinin Cihazımı tap xidmətində tətbiq edəcəyi bu yeniliyi insayde Kuba Wojciechowski ötən gün Android 14-ün mənbə kodunda kəşf edib. Funksiya Bluetooth çipini hər zaman aktiv saxlamaq üçün əlavə aparat dəstəyi tələb edir.
Apple istifadəçilərə cihaz sönülü olduqda Wi-Fi və ya Bluetooth olmadıqda belə itirilmiş, oğurlanmış iPhone, iPad, Mac və ya AirTag cihazını izləməyə imkan verən cihazımı tap şəbəkə xüsusiyyətinə malik olduğunu bilirik. Kuba Wojciechowski adlı tədqiqatçı iddia edir ki, Google da Apple kimi cihaz söndürüldükdə aşkarlana biləcək Cihazımı Tap funksiyası üzərində işləyir.
Pixel seriyalı smartfonlarda Pixel Power-off Finder adlanacaq bu xüsusiyyətin digər istehsalçılara da təklif olunacağı dəqiqdir. Kod hardware.google.bluetooth.power_off_finder adlanır. Bu o deməkdir ki, telefon söndürüldükdə belə cihazdakı Bluetooth çipi açıq qalır.
Android yeni versiyasında smartfon söndürülsə belə, müvafiq modulu enerji ilə təmin etmək mümkün olacaq. Wojciechowski-nin dediyi kimi, funksiyanın işləməsi üçün smartfonda müəyyən texniki komponentlər olmalıdır.
Bildiyiniz kimi, bu texnologiya iPhone 11-dən sonra artıq Apple telefonlarında mövcuddur. iOS 15-dən başlayaraq , bəzi iPhone modellərini, hətta söndürülsə belə, Find My proqramı vasitəsilə tapmaq olar. Hazırda Pixel 6 və Pixel 7 kimi cari cihazların tələb olunan texnologiyanı dəstəkləyib-dəstəkləmədiyi bəlli deyil, lakin qarşıdan gələn Pixel 8-in bu texnolgiyanı dəstəkləyəcəyi dəqiqdir.
