Bildiyimiz kimi, Apple ötən aylarda yeni flaqman iPhone 15 seriyasını təqdim etmişdi. Belə ki, texnologiya nəhəngi həvəskarlarının gözlədiyi bir çox yeniliyi iPhone 15 seriyasında təqdim etməmişdi. Bunlardan ən əsası da məhz yeni kamera dizaynı idi. İndi isə amerikalı texnologiya nəhəngi Apple yeni ekran altı kamera dizaynı üçün LG şirkəti ilə razılığa gələrək ilk addımı atdı. Daha əvvəl analitiklər texnologiya nəhənginin yeni dəlikli ekran dizaynını sınaqdan keçirdiyini iddia etmişdi. Görünən odur ki, Apple yeni flaqman seriyasında daha fərqki ekran dizaynından istifadə etməyə qərarlıdır.
Beləliklə Apple yeni ekran texnologiyasında LG ilə əməkdaşlıq edə bilər. Texnologiya nəhəngi yeni ekran dizaynı ilə bağlı ilk addımı atdı və LG şirkəti ilə razılıq əldə etdi. Analitiklərə görə Apple LG şirkəti ilə dəlikli kamera deyil, çəntiksiz ekran dizaynı barədə razılıq əldə edib. Ümumiyyətlə Apple hər il dizayn tərəfində çox yenilik etməsə də, kamera tərəfində mütləq təkmilləşdirmələr edir. Bu dəfə isə texnologiya nəhəngi həm kamera xüsusiyyətlərini həm də kamera dizaynını təkmilləşdirə bilər.
Artıq bir çox smartfonlarda ekran altı kamera dizaynından istifadə olunur. Bununla belə bu texnologiya hələ başlanğıc mərhələsində hesab olunur. Belə ki, ekran altı kamera texnologiyasında işığın səmərəliliyi və təsvirin təhrif edilməsi kimi problemlər hələ həll olunmayıb. Təbii ki, texnologiyalar gün keçdikcə sürətlə inkişaf edir. Apple şirkəti gələn ilə qədər bu problemlərin həllini taparaq bizlərə ekran altı kamera dizaynına sahib ilk iPhone modelini də təqdim edə bilər.
