Bu günə qədər müxtəlif əməkdaşlıqlar imzalayan OpenAI bu dəfə maraqlı bir addım atır. Adətən ayda 20 dollara başa gələn ChatGPT Plus abunəliyinin Malta vətəndaşları üçün bir il müddətinə pulsuz olacağı açıqlanıb. Beləliklə, OpenAI şirkətinin ChatGPT-si ilk dəfə olaraq bir ölkənin vətəndaşları üçün pulsuz olacaq.
Malta İqtisadiyyat Nazirliyi ilə OpenAI arasında bağlanan razılaşmaya əsasən, AB rəqəmsal kimliyinə sahib olan hər bir Malta vətəndaşı bu aydan etibarən bir il müddətinə pulsuz ChatGPT Plus abunəliyindən istifadə edə biləcək. Maltada hazırda 574.250 insanın yaşadığı bildirilir.
Rəsmilər bildiriblər ki, bu addım vətəndaşların qlobal dəyişikliklərdən geri qalmamasını təmin etmək üçün atılıb və Malta Universiteti ilə əməkdaşlıq çərçivəsində pulsuz süni intellekt kursu da başlayıb. Abunəlik üçün kursu keçmək məcburidir. Malta Rəqəmsal İnnovasiya Təşkilatı kurslar başa çatdıqdan sonra uyğun vətəndaşlara abunəlik paylamağa başlayacaq.
