LSST kamerası kimi tanınan dünyanın ən böyük kamerası, elm dünyasında inqilab etməyə hazırlaşır. Beləliklə, LSST sayəsində artıq kainat əvvəlkindən daha təfərrüatlı şəkildə görünəcək və kainatın sirləri həll ediləcək. Bəs, demək olar ki, avtomobil ölçüsündə olan bu nəhəng kamera kainatı necə təsvir edəcək?
Təxminən 3 ton ağırlığında olan bu kamera Çilidəki Vera C. Rubin Rəsədxanasına köçürülüb. Kameranın istehsal prosesi təxminən 20 il vaxt alıb və bu proses mühəndislik möcüzəsi kimi qələmə verilir. Hazırlanması da heç asan başa gəlməyən bu nəhəng kamera ilə kainatı bütün çılpaqlığı ilə görmək olar. LSST kamerası 3200 meqapiksel təsvir ölçüsü təklif edir. Bu, onun səmanın nəhəng sahələrini yüksək dəqiqliklə skan etmək qabiliyyətinə malik olduğunu göstərir. 10 mikron genişliyindəki pikselləri və insan saçının onda biri böyüklüyündəki fokus müstəvisi ilə səmanın nəhəng sahələrini skan edə bilən kamera, 24 kilometr uzaqlıqdakı kiçik bir qolf topunun belə detallarını göstərə bilir.
Əslində, kamera kainatın hələ kəşf etmədiyimiz sirlərinə işıq salmağa kömək edir. Xüsusi olaraq Qravitasiya linzalarını araşdıracaq bu kamera, nəhəng qalaktikaların kütlələrinin ətrafdakı işığı necə əydiyini müşahidə edə biləcək. “Bunun bizə nə faydası olacaq?” sualına cavab olaraq isə deyə bilərik ki, bu müşahidələr bizə kütlənin necə paylandığını və kainatdakı dəyişiklikləri anlamağa kömək edəcək. Kamera bizim telefonlarımızda olduğu anlıq görüntü əldə etmək yerinə yavaş sürətə məlumat oxuyur.
