Microsoft şirkətinin yaradıcısı və milyarder Bill Gates yaxın vaxtlarda öz “milyarder” statusunu itirəcək. Bununla bağlı ötən gün verdiyi açıqlamada Bill Gates sərvətini xeyriyyə “Bill and Melinda Gates” vəqfinə bağışlayacağını bildirib. Milyarder pandemiya, Ukraniyadakı müharibə, iqlim dəyişikliyi və digər faktorların yaratdığı halları səbəb göstərərək bu addımı atacağını bildirir. Gates qeyd etdiyinə görə bu ayın sonuna qədər adı çəkilən vəqfə 20 milyard dollar bağışlayacaq. Yaxın gələcəkdə isə bu rəqəmlər qatlanaraq artacaq.
Bill Gates-in hədəfi sərvətinin demək olar hamısını xeyriyyə bağışına xərcləməkdir
Gates ötən gün tviterdə mövzu ilə bağlı bəzi açıqlamalar edib. Onun sözlərinə görə uzaq olmayan gələcəkdə sərvətinin hardasa bütün hissəsi vəqfə bağışlanacaq.
Bill Gates
Gələcəyə baxdıqda sərvətimin demək olar hamısını vəqfə bağışlamağı planlaşdırıram. Onsuzda nəticədə dünyanın ən zənginləri siyahısından çıxacağam. Ona görə qaynaqlarımı əzabları azaltmaq və həyatı yaxşılaşdırmaq üçün insanlara verməyi özümə öhdəlik götürürəm. Ümid edirəm ki, digər var-dövlətə və nüfuza sahib şəxslər də qırağa çəkilib dayanmazlar (dəstək olarlar).
Bill Gates iqlim dəyişiklikləri kimi səbəbləri vurğuluyaraq uzun bir zamandır öz sərvətini xeyriyyə üçün bağışlamaq istədiyini bildirir. Hətta ifadələrindən birində sərvətini çoxunu dağıtdığı üçün uşaqlarının milyarder olmayacağını vurğulamışdır. Gates hal-hazırda Bloomberg siyahısına görə 114 milyard dollar sərvətə sahibdir. Siyahıya isə Elon Musk liderlik edir.
Əlavə olaraq maraqlı bir faktı da qeyd etməliyik. “Bill and Melinda Gates” adı verilən vəqf, Bill Gates və əvvəlki həyat yoldaşı tərəfindən yaradılıb. Yəni Gates xeyriyyə yardımını elə özü tərəfindən təsis edilən vəqfə etməkdədir.
