Lourens Livermor Milli Laboratoriyasının alimləri tarixdə ikinci dəfə termonüvə, yəni “füzyon enerjisi” reaksiyasında xalis enerji qazancı əldə etdilər. Belə ki, yeni təcrübədə onlar cəmi 2.05 meqajoul (MC) enerji sərf edərkən, 3.5 meqajoul (MC) enerji qazanıblar.
Termonüvə sintezi iki yüngül atom nüvəsinin birləşərək daha ağır bir nüvə meydana gətirdiyi və böyük miqdarda enerjinin ayrıldığı bir prosesdir. Bir nöqtədə birləşən 192 yüksək güclü lazerdən ibarət olan NIF qurğusu birləşmə partlayışlarını simulyasiya etməkdə işə yarayır.
Daha sadə dildə desək, termonüvə enerjisi deyə adlandırılan bu metod gələcəyin ən dəyərli enerji həllərindən biri hesab edilir. Stansiyanın yerindən, ətraf mühit şəraitindən asılı olmayaraq istənilən mühitdə nüvələrin sintez reaksiyalarından alınan enerji elektrik enerjisinə çevrilir.
Beləliklə, 2022-ci ilin dekabrındakı son ictimaiyyətə açıqlanan təcrübə zamanı 2,05 meqajoul enerji sərf olunub, 3,15 meqajoul enerji istehsal edildi. Yeni təcrübədə onlar bu rəqəmi 3,5 meqajoula qədər yüksəldiblər. Bu, təmiz enerjiyə yol aça biləcək böyük elmi nailiyyət kimi təkrar tarixə düşür. Bundan əlavə, reaksiyada istifadə olunan hidrogen izotopları – deuterium və tritium – nəzəri cəhətdən yüz illər boyu bir evi enerji ilə təmin etmək üçün kifayət qədər kiçik miqdarda tələb olunur. Lakin bir problem var ki, nüvələr müsbət elektrik yükləri daşıdıqları üçün bir-birlərinə yaxınlaşdıqda çox şiddətlə itələmə qüvvəsi göstərirlər. Bu da temonüvə enerjisi üçün işləri qəlizləşdirir.
