İstifadəçilər arasında çox populyar olmasa da Apple-ın orta və aşağı səviyyəli iPhone modelləri kimi “SE” xəttinin təkmilləşdirilməsinə həqiqətən ehtiyac var. Bu səbəbdən iPhone 15 seriyasından əvvəl hal-hazırda bir tərəfdən də diqqətlərin dördüncü nəsil iPhone SE 4-ə çevrildiyini qeyd etmək lazımdır. Ötən gün dördüncü nəsil iPhone SE haqqında bəzi xüsusiyyətlər məlum olub.
Daha əvvəl iPhone SE 4 barəsində çoxlu məlumatlar eşitmişdik. Belə ki, verilən məlumaya görə modelin Apple-ın ilk 5G modemi ilə təchiz ediləcəyi və buna görə də 2025-ci ilə təxirə salındığı bildirilib. Əsas səbəbi isə maliyyə baxımından qiymətləri daha münasib etmək olacaq. SE 4-ün bəzi xüsusiyyətləri, o cümlədən dizaynı da insayderlər tərəfindən açıqlanır.
Şirkətə yaxın mənbələrə görə, iPhone SE 4 sələfi ilə müqayisədə iPhone 14 dizaynına əsaslanacaq. İndiki SE modellərinin daha çox köhnə dizayn dilinə sahib olduğunu nəzərə alsaq, bu təkmilləşmə smartfonu nisbətən daha müasir görünüşlü edəcək.
Bundan əlavə, bunlar SE 4-də təqdim ediləcək yeganə yeniliklər deyil. Apple-ın SE 4 modelində istifadə olunacaq OLED panellər üçün istehsalçıların təkliflərini dəyərləndirdiyi bildirilir. Buna görə də deyə bilərik ki, LCD-dən OLED ekrana keçid ucuz iPhone üçün əhəmiyyətli təkmilləşdirmə olacaq. Beləliklə, iPhone 15 və 15 Plus ilə iPhone SE modeli arasında ciddi fərq olacaq. Çünki, iPhone 15 seriyasında bütün modellərin çərtikdən imtina etməsi planlaşdırılır. Bundan əlavə, SE 4 Face ID, USB-C portu və sələfinə bənzər tək arxa kamera sensoru ilə gələcək.
