Bildiyimiz kimi, Nvidia şirkəti son bir ildə öz gəlirlərini və bazar dəyərini milyonlarla, hətta milyardlarla dollar artırdı. Məhz bu inkişaf isə şirkətin süni intellekt tərəfində olduqca uğurlu olması ilə əlaqələndirilir. Analitiklər iddia edir ki, Apple bu il süni intellektini işə sala bilməsə Nvidia onu kapital baxımından qabaqlaya bilər. Ümumiyyətlə, Apple şirkəti uzun müddətdir ki, bazar dəyəri siyahısında bütün texnologiya nəhənglərini qabaqlayır. Lakin bu ilə ənənə pozula bilər.
Apple şirkətinin artıq süni intellekt tərəfinə fokuslandığı artıq hər kəsə məlumdur. Belə ki, Apple uzun müddətdir üzərində çalışdığı və milyardlarla dollar sərf etdiyi Apple Car layihəsini dayandırdıqdan sonra 2000 nəfərlik komandanı süni intellekt araşdırması üçün səfərbər etmişdi. Bu isə ABŞ mərkəzli texnologiya nəhənginin həqiqətən də süni intellekt tərəfində ciddi yeniliklər etməyə hazırlaşdığını ifadə edir. Qeyd edək ki, analitiklər daha əvvəl süni intellekt üçün iOS 17-ni işarə edirdilər. Lakin ötən təqdimatdan sonra bütün gözlər iOS 18-ə çevrilmişdi.
Tianfeng International analisti analitiki Ming-Chi Kuo 2024-cü ildə iPhone tədarükü üçün bazar konsensusunun azaldığını bildirib. 2024-cü ildə iPhone tədarükü üçün əvvəlki bazar konsensusu 220-225 milyon ədəd idi. İndi isə bu rəqəm getdikcə azalır və artıq 200 milyona enib. Apple bu il bazar gözləntilərini üstələyən məhsuldar süni intellekt xidmətləri təqdim edə bilməsə, Nvidia-nın bazar dəyəri çox güman ki, Apple-ı ötəcək. Hazırda Apple-ın bazar dəyəri 2,63 trilyon dollar, Nvidia-nın isə 2,15 trilyon dollar, Microsoft-un isə 2,99 trilyon dollar bazar dəyəri var. Eyni zamanda, Nvidia-nın səhmləri il ərzində 4 dəfə dəyər qazanıb, Apple-ın səhmləri isə həmin dövrdə cəmi 15-20% artıb.
