Qazaxıstanın Fermilab laboratoriyasının alimləri təbiətin beşinci qüvvəsini kəşf ediblər. Qeyd edək ki, bu kəşf fizikada yeni inqilabın başlanğıcı da ola bilər. Ümumiyyətlə kainatda və ya təbiətdə fizika və elmi cəmiyyət tərəfindən qəbul edilən 4 fundamental qüvvə var. Lakin indi Fermilab alimləri yeni bir qüvvənin varlığını kəşf ediblər. Belə ki, alimlər müon adlanan subatomik hissəciklərin mövcud nəzəriyyəyə uyğun davranmadığını kəşf ediblər. Tədqiqat daha da dərinləşdikdə isə məlum olub ki, bu müonlara naməlum qüvvə təsir edir.
Hələlik alimlər təbiətin beşinci qüvvəsini tam olaraq kəşf edə bilməyiblər. Çünki bu qüvvənin varlığını təsdiq etmək üçün sübutlara ehtiyac var. Bundan əlavə qeyd edək ki, hazırda təbiətin 4 əsas qüvvəsi: cazibə, zəif nüvə, elektromaqnit və güclü nüvə mövcuddur. Bu dörd əsas qüvvə kainatdakı bütün cisimləri və hissəciklərin bir-biri ilə qarşılıqlı əlaqəsini müəyyən edir. Yekunda isə bu qüvvələr və cisimlər arasındakı əlaqələr təbiət qanunları adlanır. Əslində Fermilab alimləri ilk dəfə 2021-ci ildə beşinci təbiət qüvvəsinin varlığının mümkünlüyünü iddia etmişdi. O zamandan bəri isə alimlər lazımlı sübutların toplanması üçün var gücləri ilə işə qoyulmuşdular.
Qeyd edək ki, müon adlanan bu subatomik hissəciklər 15 metr diaqramlı bir halqanın ətrafında təxminən işıq sürəti ilə 1000 dövrə vurub. Sonda tədqiqatçılar kəşf ediblər ki, bu zərrəciklr yeni təbiət qüvvəsinin təsiri ilə Standart Model adlanan fizika nəzəriyyəsinə uyğun davranmır. Hətta onun davranışlarını izah etməkdə çətinlik çəkiblər. Alimlərin sübutları yetərli qədər güclü olsa da, bunlar kifayət etmir. Təbii ki, çox yaxında yetərli qədər sübut toplanarsa təbiətin beşinci qüvvəsi də nəzəriyyəyə daxil ediləcək.
