Çinli astronomlar insanların kainatda yaşadığı ərazini böyütmək üçün yeni proyekt hazırlayırlar. Alimlər bunun üçün Closeby Habitable Exoplanet Survey (CHES) yəni yaxınlıqda yaşanıla bilən ekzoplanet tədqiqatı adlı kosmik layihə təqdim ediblər. Çin Kosmik Agentliyi insanların yaşaya biləcəyi başqa bir planet tapmaq üçün CHES kosmik teleskopu ilə səmanı incələməyə başlayacaq.
CHES teleskopu nə edəcək?
Belə ki, CHES teleskopu Yerdən 1,5 milyon kilometr uzaqlıqdakı L2 nöqtəsinə yerləşdiriləcək. Bu məsafə Ayla Yer arasındakı məsafədən 4 dəfə çoxdur. Yəni teleskop Yerlə Ay arasındakı məsafədən 4 dəfə çox uzaqlıqda olacaq. NASA-nın 2021-ci ilin dekabr ayında göndərdiyi James Webb kosmik teleskopu da eyni əraziyə yerləşdirilmişdi. Xatırladaq ki, 25 dekabr tarixində kosmosa göndərilən adını James E. Webb-dən alan 6.500 kq ağırlığındakı James Webb kosmik teleskopu üzərindəki həssas alətlərlə nəhəng planet və planetlər sistemlərinin şəklini çəkmək, spektrlərini ölçmək, yaşlarını və kütlələrini müəyyənləşdirmək kimi proseslərdə kömək olacaq. Kiçik xatırlatmadan sonra yenidən CHES teleskopuna qayıdaq. Beləlikdə CHES teleskopu yerləşdirildiyi L2 nöqtəsindən 32 işıq ili uzaqlıqdakı Günəşə bənzər 100-ə yaxın ulduzu incələyəcək. Layihəni təklif edən çinli komanda bu ulduzların ətrafında dövr edən zonada təxminən 50-yə yaxın Yerə bənzər ekzoplanet tapacaqlarına ümid edirlər. Komanda bu məqsədləri layihə üçün ilkin tədqiqatın nəticələrini nəzərə alaraq qarşısına qoyub. Əgər bu layihə uğurlu olarsa, Yerdən 32 işıq ili uzaqlıqda Yerə bənzəyən ekzoplanet tapmaq üçün nəzərdə tutlmuş ilk kosmik missiya olaraq tarixə düşəcək.
Teleskop Günəş sistemi ilə bağlı suallara cavab tapacaq
CHES missiyasının baş müstəntiqi Ji Jianghuinin sözlərinə görə, layihə nəinki sadəcə yeni ekzoplanetlərin kəşf edilməsində rol oynayacaq, hətta Günəş sistemi ilə bağlı suallara da cavab verəcək. Alim Ji Jianghui CHES teleskopu ilə apardığı tədqiqatın nəticəsində “Günəş sistemi xüsusidirmi?”, “Biz kainatda unikalıqmı?” suallarınada cavab tapa biləcəyimizi deyir. Bundan başqa alim sözlərində qeyd edib ki, yaxınlıqda yaşanıla bilən planetlərin kəşfi bəşəriyyət üçün böyük bir irəliləyiş olacaq və eyni zamanda bu insanlara Yerə bənzər obyektləri ziyarət etməyə və gələcəkdə yaşayış yerlərini genişləndirməyə imkan verəcək.
