Samsung brendinin yeni flaqman seriyası olacaq S24 barədə yeni xüsusiyyətlər ortaya çıxır. Belə ki, gələn il təqdim ediləcək Samsung Galaxy S24 seriyası peyk bağlantısı dəstəyinə sahib olacaq. Daha əvvəl iPhone 14 modellərində olan təcili zəng və mesajlaşma üçün peyk bağlantısı xüsusiyyətinin bütün S23 modelləri üçün əlçatan olacağı deyilmişdi. Lakin daha sonra Samsung fikrini dəyişərək bu xüsusiyyəti yeni çıxaracağı flaqman seriyasına əlavə etməyi qərara alıb.
Xatırladaq ki, ötən günlərdə S24 seriyasının Exynos çipsetlərinə geri qayıdacağını xəbər vermişdik. İndi isə məlum olub ki, Samsung yeni Galaxy S24 seriyası üçün sadəcə bu yeniliyi deyil, peyk bağlantısı xüsusiyyətini də əlavə edəcək. Cənubi koreyanın Elm prezidenti olan Lee Jong-ho-nun açıqlamasına görə Samsung artıq işə qoyulub. Həmçinin Jong-ho bildirib ki, 2024-cü ildə yerli smartfonlar öz aralarında 5G və peyk bağlantısı ilə xüsusi məlumat rabitəsinə sahib olacaq. Hazırda Galaxy S23, Galaxy Z Flip 5 və Galaxy Z Fold 5 modellərinin çipseti olan Snapdragon 8 Gen 2 peyk bağlantısı dəstəkləsə də, hələlik heç bir smartfon da bu xüsusiyyət əlçatan deyil.
Samsung bildirir ki, ekosistem tam inkişaf etmədiyi üçün hazırda bazarda olan flaqman smartfonlarını peyk bağlantısı ilə təchiz edə bilmir. İndi isə şirkət lazımi infrastrukturu yaratmaq üçün Iridiym Communications peyk rabitəsi şirkəti ilə əməkdaşlığa başlayıb. Bu addım ilə Samsung gələn ilin birinci rübündə təqdim edəcəyi flaqman smartfonlarını peyk bağlantısı ilə təchiz edə biləcək. Qeyd edək ki, S24 seriyalı smartfonlar gələn il 2 fərqli çipset ilə Snapdragon 8 Gen 3 və Exynos 2400 ilə təchiz edilə bilər. Lakin bu vəziyyət peyk bağlantısı üçün heç bir maneə törətməyəcək.
