Müasir dövrümüzdə insanlar gün keçdikcə yeni texnologiyalar, yeni cihazlar hazırlayır və yeni araşdırmalar edirlər. Bu araşdırmaların əksər hissəsi isə labaratoriya şəraitində aparılır. Laboratoriya şəraitindən insanlar 19-cu əsrdən bəri araşdırmaları müxtəlif istiqamətdə inkişaf edir. Bu gün isə laboratoriya şəraitində yaradılmış süni ətlər ABŞ-ın Qida və Dərman adminstrasiyası (FDA) tərəfindən təsdiqlənərək satışına icazə verilib. Belə ki, insan tərəfindən yaradılmış bu ətlər uzun müddətdir ki, tədqiq edilir və müəyyən sınaqlardan keçirilirdi.
Laboratoriya şəraitində süni ətlər necə yaradılır?
Ötən gün Upside Foods şirkətinin istehsal etdiyi süni ətlər FDA tərəfindən qiymətləndirilərkən onun təhlükəsiz olduğu və istehlaka hazır vəziyyətdə olduğu bildirilib. Lakin məhsulun bazara çıxarılması üçün bir neçə qurumdan icazə alınmalıdır. Bu qurumlardan icazə alındıqdan sonra sadəcə bir neçə ay ərzində məhsullar satışa çıxarılacaq.
Təxminən 10 ildir ki, şirkətlər laboratoriya şəraitində süni ət hazırlayır və sınaqdan keçirirlər. İnsanlar bu ətləri hazırlayarkən heyvan hüceyrələrindən istifadə edirlər. Belə ki, heyvan hüceyrələri laboratoriya şəraitində götürülür və öldürülmədən təcrid olunur. Bioreaktorlar vasitəsilə polad çənlərə köçürülən bu hüceyrələrə lazımi maddələr əlavə olunur. Müəyyən bir müddətdən sonra isə bu hüceyrələr istehlaka yararlı olan süni ətə çevrilir. Şirkətlər süni ətlər vasitəsi ilə heyvanlara heç bir zərər vermədən insanların ətə olan tələbatını ödəməyi hədəfləyir.
İnsanlar hüceyrələri yetişdirərək ət yaratmaq ideyasını ürəyin bərpa edilməsi prosesində kök hüceyrələrdən istifadə etdikdən sonra yaratmağa başlayıb. İnsanların süni ətlər ilə bağlı verilmiş qərara münasibəti fərqlidir. Onların bir qismi bunu heyvanların istehlakının azaldılmasına müsbət təsir edəcəyini düşünsədə, bir qismi də bu ətləri hazırlayarkən istifadə olunan maddələrin xəstəlik yarada biləcəyini və lazımi vitaminlərə sahib olmadığını düşünür.
