Qlobal istiləşmənin mənfi təsirlərindən danışarkən adətən buzlaqların əriməsini, dəniz səviyyəsinin yüksəlməsini və heyvanların nəsli kəsilməsi kimi hadisələri nəzərdə tuturuq. Lakin realda iqlim dəyişikliyinin təsiri daha dərindir və artıq həyatın bir çox müxtəlif sahələrində hissedilməyə başlanıb. Məsələn, alimlərin fikrincə, təyyarə ilə səyahət etmək hər keçən il iqlim dəyişikliyinin yaratdığı səbəblərə görə daha təhlükəli olacaq.
Bildiyimiz kimi, hazırda təyyarə qəzalarının əsas səbəbi kimi turbulanslar göstərilir. Belə ki, turbulanslar havada baş verən təzyiq fərqindən yarandığı üçün təyyarənin bir müddət qeyri-stabil uçmasına səbəb olur. Bununla belə, turbulanslar demək olar ki, əksər hallarda qəzaya səbəb olmur. Lakin yenə də, bir çox hallarda sərnişinlər arasında yaralanmalar və ya ürək tutması səbəbindən ölüm halları baş verir. Mütəxəssislərin qeyd etdiyi kimi, iqlim dəyişikliyi səbəbindən bu hadisələr daha tez-tez baş verir. Rеаdіng Universitetinin Atmoѕfеr elmi üzrə professoru Раul D. Wіllіаmѕ-a görə, Şimali Atlantikada Təmiz səmada turbulans hazırda 1979-cu illə müqayisədə 55% daha tez-tez baş verir. Lakin 2060-cı ilə qədər bu rəqəm 180%-ə qədər artacaq. Bunun səbəbi isə atmosferin yuxarı təbəqələrində qərbdən şərqə doğru hərəkət edən külək axınlarının xeyli sürətlənməsidir.
Reading Universitetində bir universitet tərəfindən edilən açıqlamada, CO2 emissiyalarının səbəb olduğu isti havaların, bəzi bölgələrdə küləyin “kəѕіlməѕіnі” artırdığını bunun da Şimali Atlantikada və qlobal miqyasda turbulans sayını artırdığı bildirilir. Bundan əlavə, havanın sıxlığı getdikcə azalır bu isə təyyarələrin havaya qalxmasını çətinləşdirir. Atmosfer istiləşdikcə hava genişlənir və sıxlığı azalır. Bu zaman, mühərriklərin səmərəliliyi azalır. Alimlər müəyyən ediblər ki, iqlim isindikcə təyyarələrin uçuş məsafəsi ildə orta hesabla 0,15 faiz artır. Вlооmbеrg-in hesabatına görə, həddindən artıq istilər qış vaxtlarında daha çox uçuş gecikməsinə səbəb olur.
2024-cü ilin iyununda Avstriya Hərbi Dəniz Qüvvələrinə aid bir təyyarə fırtına səbəbindən ciddi ziyan görüb. Güclü dolu səbəbindən təyyarənin burnu demək olar ki, məhv olub və pilotların əyləşdiyi kabinanın şüşəsi qırılıb. Xoşbəxtlikdən təyyarə uğurla eniş edib və sərnişinlərdən heç biri xəsarət almayıb. Alimlərin fikrincə, belə hallar artıq tez-tez rastımıza çıxacaq. Uçuş müddətləri də artacaq. Belə ki, güclü küləklər səbəbindən son dövrlərdə qərb istiqamətində uçuşlar ləngiyir. Tədqiqatın nəticələrinə görə, təyyarələr hər il havada indikindən 2 min saat çox vaxt keçirməli olurlar. İlk növbədə, bu, aviaşirkətlər üçün daha yüksək xərclər və buna görə də uçuşlar üçün daha yüksək qiymətlər deməkdir. Nəzəri olaraq, bir təyyarə havada nə qədər uzun olarsa, səyahət də bir o qədər təhlükəli olar. Lakin son olaraq vurğulamaq lazımdır ki, hazırkı dövrdə ən az ölüm və qəza halları məhz hava nəqliyyatında baş verir.
