Beləliklə Android 15 əməliyyat sisteminin ilk tərtibatçı önizləmə versiyası buraxıldı. Bundan əlavə, Google Android 15-in ictimai beta versiyasının mart və aprel ayları arasında buraxılacağını açıqlayıb. Ümumiyyətlə ilk dəfə ortaya çıxan Android 15 tərtibatçıların ilkin baxışı zamanı hansı yeniliklərə sahib olacağını elan edib deyə bilərik.
Android 15 tərtibatçıların gözündə reklamlar üzərində daha çox nəzarət imkanı verəcək. Habelə, parametrlərdəki “Məxfilik və təhlükəsizlik” bölməsinin altına “Reklamlar” adlı yeni menyu əlavə edilib. Hansı ki, burada siz hansı proqramların reklam göstərmək üçün telefonunuzda fəaliyyətinizi izlədiyini idarə edə bilərsiniz. Qeyd edək ki, bəzi proqramlar smartfonunuzda fəaliyyətinizi izləməklə fərdiləşdirilmiş reklamlar təqdim edə bilər. Həmçinin Android 15-də FLEDGE API ilə indi tətbiqlərin sizi izləməsinin qarşısını ala bilərsiniz. Təbii ki, bu reklamların cihazınızdan tamamilə silinəcəyi demək deyil, lakin məlumatlarınızın seçilmiş üçüncü tərəf tətbiqi ilə paylaşılmamasını təmin edir.
Android 15-də daha bir yeni xüsusiyyət isə qismən ekran qeydini həyata keçirmək imkanıdır. Ekran qeydi zamanı bütün ekranı qeyd etmək və ya yayımlamaq əvəzinə, indi tətbiqin yalnız müəyyən bir hissəsini qeyd edə biləcəksiniz. Digər mühüm inkişaf ondan ibarətdir ki, Google nəhayət üçüncü tərəf proqramları üçün daha yaxşı kamera optimallaşdırması üzərində işləyir. Az işıqlı mühitdə çəkilmiş şəkillər indi real vaxt rejimində işlənəcək.
