Süni intellektin gün keçdikcə təkmilləşdiyi hərkəsə məlumdur. Belə ki, daha əvvəl GPT-3 dil modeli yayımlanmışdı. Bu dil modelinin mənfi xüsusiyyətləri bir çox əmri anlaya bilməməsi və ya xətalara sahib olması idi. Daha sonra isə Microsoft şirkətinin dəstəyi ilə OpenAI GPT-3.5 və GPT-4 kimi daha təkmilləşmiş dil modelləri təqdim etmişdi. Bu yaxınlarda isə şirkət süni intellekt tərəfində ən təkmilləşmiş GPT-5 modelini təqdim edəcək. Microsoft şirkəti bildirir ki, yeni təqdim ediləcək GPT-5 modeli 3000 illik dili belə deşifrə etmək qabiliyyətinə sahib olacaq.
Ümumiyyətlə dünyanın bir çox qədim dil sirləri mövcuddur. Hansı ki, bu dillər kəşf edilərsə və ya deşifrə edilərsə bir çox tarixi hadisə ortaya çıxa bilər. İndiyə qədər inkişaf etdirilmiş heç bir sistem və ya alim bu dillərin sirrini kəşf edə bilməyib. Lakin Microsoft GPT-5 barəsində ilkin təfərrüatlarını paylaşarkən bildirib ki, o 3000 illik dilləri belə deşifrə edəcək. Qeyd edək ki, söhbət 3000 ildən çox əvvəl Kirit adasında yaşamış Minoan sivilizasiyasının istifadə etdiyi xətti A tipli yazıdan gedir. Microsoft-un reklam və veb xidmətləri şöbəsinin baş meneceri Mikhail Parakhin bildirir ki, GPT-4 belə bir iş üçün kifayət qədər güclü deyil, lakin GPT-5 tərcüməni həyata keçirə bilər.
Bunun üçün dil modeli təkcə Xətti A yazısının incəliklərini başa düşməli, həm də dəqiq tərcümə üçün eyni dərəcədə vacib olan Minoan dünyası haqqında dərin kontekstual biliyə malik olmalıdır. Lakin GPT-5 öz missiyasında uğursuz olsa belə, yenə də tarixin sirlərini öyrənmək yolunda mühüm addım olacaq. Yəni çox yaxında tarixin tozlu səhifələrində qalan bir çox sirlər ortaya çıxacaq. Ümumiyyətlə tarixdə bir çox sirlər mövcuddur. Lakin yaxın zamanlarda bu sirlərdən ən azı biri azalacaq.
