Chandrayaan-3 komsik aparatı və onun roveri Pragyan uğurlu enişdən qısa müddət sonra Ayın cənub qütbündən məlumat toplamağa başlayıb. Tarixdə ilk dəfə Ayın son dərəcə çətin bölgəsinə eniş etməyi bacaran Hindistan Kosmik Tədqiqatlar Təşkilatı (ISRO) bu yaxınlarda Ayın cənub qütbünün temperaturu ilə bağlı profili dərc edib.
ISRO tərəfindən paylaşılan temperatur profili Ayın cənub qütbündən əldə edilən ilk temperaturu bu mövzuda ilk kimi tarixə düşüb. Vikramın ChaSTE (Chandra’s Face Thermophysical Experiment) adlı aləti ilə ölçülən dəyərlər X-də dərc olunub. Məlumata görə, Ayın üst qatının temperaturu təxminən 50 dərəcə Selsi təşkil edir. ISRO-nun 27 avqust tarixli məqaləsinə əsasən, bu son məlumatlar alimlərə Ay səthinin istilik davranışını anlamağa imkan verəcək.
Bildirilir ki, ChaSTE alətinin əsas məqsədi Ayın qütbün yaxınlığındakı torpağın üst qatının temperatur profillərini ölçməklə Ayın səthinin istilik dinamikası haqqında məlumat toplamaqdır. Ayın üst qatının dərinliyi 5-20 metr arasında dəyişə bilər. ChaSTE, Ay torpağını ölçmək üçün səthdən aşağıya nüfuz etməyə imkan verən qazma mexanizminə malikdir.
ISRO tərəfindən X-də paylaşılan qrafik dərinlikdən asılı olaraq -10 ilə 60 dərəcə Selsi arasında olan temperatur diapazonunu göstərilir. Qrafikə görə, səthin üstündəki temperatur təqribən 50 dərəcə Selsi olarkən, səthdən cəmi 8 sm aşağıda isə temperatur -10 dərəcə Selsiyə enir.
Chandrayaan-3 missiyasının üç əsas məqsədi var idi. Eniş və roverin Ay səthində hərəkət edə biləcəyinin mümkünlüyünü görmək 2 əsas məqsədi təsdiqləyib. Hələ də davam edən üçüncü məqsəd elmi müşahidələrin aparılmasıdır. Vikram eniş aparatının və Pragyan roverlərinin hər ikisinin Ay səthinin öyrənilməsi üçün öz elmi cihazları var. Hamısı Ayın atmosferi, torpaq strukturu və minerallar haqqında çoxlu məlumatı geri göndərəcək. Bu mühüm məlumat Ayın tədqiq edilməmiş cənub qütb bölgəsini əhatə edən bir sıra tapmacaları həll etməyə istifadə olunacaq.
