Təqdim etdiyi yeni elektromobili ilə bu il avtomobil sənayesində olduqca səs-küyə səbəb olan Xiaomi hər avtomobil üçün 9 min dollar zərər edirmiş. Belə ki, Xiaomi-nin sözlərinə görə onun avtomobil bölməsi hələ də itkilər versə də, hər avtomobilə düşən itkilər əhəmiyyətli dərəcədə azalıb.
Qeyd edək ki, bütün zərərlərə rəğmən şirkətin texnologiya sahəsində əldə etdiyi uğuru nəticəsində gəliri əvvəlki ilə müqayisədə 30,5 faiz artaraq 12,8 milyard dollara çatıb. Xalis gəlir isə əvvəlki ilə nisbətən 4,4% artaraq 0,9 milyard dollar olub. Şirkətin nağd pul ehtiyatları hazırda 21 milyard dollar təşkil edir ki, bu da rekord deməkdir. Bundan əlavə, Ar-Ge xərcləri əvvəlki illə müqayisədə 19,9% artaraq 0,8 milyard dollara çatıb. Xiaomi Auto, Xiaomi-nin ümumi gəlirinin 10%-dən bir qədər çoxunu 1,3 milyard dollara çatdırıb.
Bununla belə, onun avtomobil biznesinə ayrıca baxsaq, əslində o, 200 milyon dollar itki verib. Xiaomi CEO-su Lei Jun üçüncü rübün nəticələrini şirkət üçün “tarixdəki ən güclü performans” olaraq xarakterizə edib. Xiaomi Group sədri Lu Weibing bildirib ki, “Gələn il avtomobil biznesinin artım tempi bütün bizneslərimiz arasında ən sürətli ola bilər”. Xiaomi Auto üçüncü rübdə 39 790 avtomobil tədarük edib. Birbaşa aid edilən gəlir 1,3 milyard dollar təşkil edib. İlk dəfə istehsal edildikdə Xiaomi hər avtomobil üçün 9 min dollar zərər etsə də, hazırda satılan avtomobilə düşən itki təxminən 5250 dollar təşkil edib.
