Ən yeni Snapdragon 8 Elite çipsetinin yüksək performansı, ilkin sınaqlar batareya tərəfində mühüm təkmilləşdirmə təqdim etmişdi. Belə ki, yeni Qualcomm çipindən istifadə edən Android smartfonlar üçün ən böyük üstünlüklərdən biri batareya ömrünün əhəmiyyətli dərəcədə artmasıdır. Beləliklə, Snapdragon 8 Elite əsaslı flaqman smartfonların performansı ilə yanaşı batareya ömrü də təkmilləşib.
Qeyd edək ki, Batareya ömrü testləri Asus ROG Phone 9 Pro və OnePlus 13 smartfonları ilə aparılıb. Hər iki cihazın sələflərindən daha böyük batareyaları mövcuddur, hansı ki, bunlar müvafiq olaraq 5800 mAh və 6000 mAh-dır. Bununla belə, smartfonların göstərdiyi batareya performansı batareya tutumunun artmasından üstün hesab olunur. Asus ROG Phone 9 Pro, 5500 mAh batareyaya sahib olan sələfi ilə müqayisədə batareya tutumunda 5,4 faiz artıma malikdir. Bununla birlikdə, PCMark testində batareyanın ömrünü müqayisə edərkən, bir dəfə doldurulma ilə batareyanın ömrü 11 saatdan tam olaraq 30% artaraq 14,5 saata çatıb.
OnePlus 13-ün batareyası isə OnePlus 12-nin batareyasından 11% daha çox tutuma malikdir. Snapdragon 8 Elite ilə işləyən OnePlus 13 sınaq zamanı demək olar ki, 17,5 saat işləyib, hansı ki, bu nəticə sələfindən 42% daha yaxşıdır. Qeyd edək ki, sınaqda OnePlus 13 modelinin Çin versiyası istifadə edilib. Qualcomm, Snapdragon 8 Elite-nin enerjiyə qənaətinin təxminən 27% olduğunu açıqlayıb. Beləliklə, nəticələrə əsasən deyə bilərik ki, Snapdragon 8 Elite təqdim ediləcək bütün flaqman smartfonların batareya ömrü tərəfində əhəmiyyətli təkmilləşmə əldə etməsinə imkan verəcək.
