Azərbaycana idxal olunan nəqliyyat vasitələri arasında elektrikli və hibrid nəqliyyat vasitələrinin payı təxminən iki dəfə artıb. Belə ki, hesabatlar göstərir ki, Azərbaycana idxal olunan hər 5 avtomobildən biri elektrikli və ya hibriddir.
Qeyd edək ki, bu sözləri rəqəmsal inkişaf və nəqliyyat naziri Rəşad Nəbiyev naziri COP29 çərçivəsində baş tutan “Yaşıl Şəhər Nəqliyyatı” adlı Yüksək Səviyyəli Dəyirmi Masada ifadə edib. Habelə, onun sözlərinə görə, son bir neçə ildə Azərbaycan hökuməti ekoloji təmiz mühərrikli nəqliyyat vasitələrinin tədarükünü stimullaşdırmaq üçün ƏDV və gömrük rüsumlarından azad olma daxil olmaqla tədbirlər həyata keçirib. R. Nəbiyev bildirib ki, “Bu stimullar idxal olunan nəqliyyat vasitələri arasında elektrikli və hibrid nəqliyyat vasitələrinin payının 10,5 %-dən təxminən 20 %-ə qədər, demək olar ki, iki dəfə artmasına səbəb olub”.
Bundan əlavə, Prezident Administrasiyasının (PA) İqtisadi siyasət və sənaye məsələləri şöbəsinin baş məsləhətçisi Gülnaz Cavadova eyni tədbirdə Azərbaycan iqlim dəyişikliyində nəqliyyat sektorunun əsas rolunu dərk edərək karbon izini azaltmağa, daha təmiz, daha dayanıqlı iqtisadiyyata keçidə töhfə verir deyə bildirib. Onun sözlərinə görə, “Bu gün COP29-da iştirak etmək böyük şərəfdir. Çünki biz gələcək nəsillər üçün davamlı gələcək qurmaq üçün ən kritik çağırışlardan birini müzakirə etmək üçün birləşirik. Azərbaycan bu kollektiv missiyanın önündə qürurla dayanır”.
G.Cavadova əlavə edib ki, Azərbaycanın iddiaları fonunda koordinasiyalı fəaliyyət tələb edən problemlər, məhdud infrastruktur, elektrik nəqliyyat vasitələrinin yüksək ilkin xərcləri və dayanıqlı hərəkətliliyin faydaları haqqında ictimaiyyətin məlumatlılığının aşağı olması ölkənin üzləşdiyi maneələrdən yalnız bəziləridir: “2016-cı ildə yaradılmış Biznes Mühiti və Beynəlxalq Reytinqlər üzrə Dövlət Komissiyası təşəbbüslər qarşısında maneələri dəyişdirən güclü dəstəkçi olub”. PA rəsmisi Azərbaycana son 3 ildə elektromobillərin idxalının 33 dəfə artdığını deyib: “Bu, Azərbaycanın dünya üçün davamlı və ekoloji şüurlu gələcək yaratmaq öhdəliyini və inamını vurğulayır. Transformativ dəyişikliklərin mümkün olduğuna inanırıq. Birlikdə biz gələcək nəsillər üçün daha yaşıl, daha təmiz və firavan gələcək yarada bilərik”.
