OpenAI, ChatGPT-ni canlandıran GPT-4o modeli üçün yeni bir yenilənmə təqdim edib. Belə ki, bu yenilənmə ilə süni intellektin mətn yazma qabiliyyəti artır. Habelə, süni intellekt çatbot artıq yüklənmiş sənədlər üzərində daha əhatəli işləyə biləcək.
Süni intellekt sənayesinin aparıcı adlarından biri olan OpenAI, generativ süni intellekt çatbotu ChatGPT üçün yeni yenilənmə təqdim edib. “GPT-4o” modeli üçün təqdim edilən bu yenilənmə süni intellektin bir çox xüsusiyyətini yaxşılaşdırır. OpenAI-nin açıqlamasına baxdığımızda görürük ki, ChatGPT-nin yazı qabiliyyəti təkmilləşdirilib. Bu, ChatGPT-də mətn yazan istifadəçilər üçün işləri bir qədər də asanlaşdırır.
OpenAI açıqlamasında bildirib ki, “Modelin yaradıcı yazı bacarığı növbəti səviyyəyə qaldırıldı, biz aktuallığı və oxunaqlılığı artırmaq üçün onun daha təbii, cəlbedici və fərdiləşdirilmiş yazı imkanlarını artırmışıq. Həmçinin yüklənmiş fayllarla işləmək artıq daha səmərəlidir. Çatbot indi daha ətraflı məlumat və daha əhatəli cavablar təqdim edir”. Xatırladaq ki, ChatGPT hazırda GPT-4o dil modelindən əlavə olaraq GPT-o1 də istifadə edir. Bu dil modeli isə digərlərindən daha sürətli və əhatəli cavablar təqdim edərək yalnız abunələr üçün istifadəyə verilib. Əgər abunə olmaq istəsəniz hər ay OpenAI şirkətinə 20 dollar ödəməli olacaqsınız.
