Ümumiyyətlə smartfonların ən rəqabətcil xüsusiyyətlərdən biri sahib olduqları kameralardır. Məhz flaqman cihazlar son dövrlərdə kamera xüsusiyyətlərinə görə müqayisə olunur. Hazırda isə Apple şirkətinin flaqman iPhone 15 seriyası ilə Samsung brendinin Galaxy S24 seriyası kamera tərəfində müqayisə olunur. Ice Universe ləqəbli məşhur analitik bildirib ki, Samsung Galaxy S24 Ultra smartfonu qarşıdan gələn yenilənmə ilə daha yaxşı kamera performansı sərgiləyəcək. Belə ki, Samsung brendinin ötən aylarda təqdim etdiyi flaqman Galaxy S24 Ultra yenilənmə ilə Günəşi daha aydın çəkəcək.
Ümumiyyətlə smartfonunuzla işıqlı daha doğrusu, günəş şüası altında şəkil çəkərkən ətrafın bəzən normaldan daha çox qaraldığını görmüsüz. Samsung yeni təqdim edəcəyi yenilənmə ilə məhz bu problemi aradan qaldırmaq niyyətindədir. Yəni Galaxy S24 Ultra istifadəçiləri yenilənmə isə sadəcə Ay-ın deyil Günəşin də aydın şəklini çəkə biləcəklər. Qeyd edək ki, daha əvvəl adı çəkilən analitik Samsung Galaxy S24 Ultra üçün növbəti yeniləmənin telefoto obyektiv modulunun keyfiyyətini optimallaşdıracağını bildirmişdi.
Bundan əlavə, Galaxy S24 Ultra modelinin 50MP periskop telefoto lensi ilə sələflərindən fərqləndiyi məlumdur. Həmçinin əvvəlki Ultra modellərində bu obyektivlə əlaqəli 10x optik obyektiv var idi, lakin Galaxy S24 Ultra-nın obyektivləri yalnız 5x optik böyütmə qabiliyyətinə malikdir. Ən əsası qeyd edək ki, Galaxy S24 Ultra modelində 4K video qeydlər zamanı kameralar arasında keçid etmək artıq mümkündür.
