Müxtəlif antiinhisar məhkəmələrinin qarşısını almaq üçün Google, sistematik olaraq işçilərinə mesajları məhv etmələrini və hətta müəyyən sözlərdən istifadə etməməyi tövsiyə edib. Beləliklə, Google şirkəti məhkəmədə ona qarşı istifadə edilə bilinəcək bütün sübutları neçə ildir ki, sistematik şəkildə məhv edirmiş.
Google son 15 ildə, şirkətdaxili kommunikasiyalarda “silmə” mədəniyyəti yaradaraq hüquqi risklərdən qaçmağı hədəfləyən strategiya qəbul edib. Bu proses zamanı o, işçilərinə mesajlarını məhv etməyi, müəyyən sözlərdən istifadə etməməyi, mütəmadi olaraq vəkilləri ünsiyyətə daxil etməyi tövsiyə edib. Şirkətin bu siyasətləri keçən il üç antiinhisar işində ətraflı şəkildə ortaya çıxıb. New York Times qəzetinin yazdığına görə, 2008-ci ildə Google Yahoo ilə bağladığı bir reklam müqaviləsi antiinhisar yoxlamasına məruz qaldıqda və müxtəlif patent, ticarət nişanı və müəllif hüquqları ilə bağlı məhkəmə iddiaları ilə üzləşdikdə bu prosesin əsasını qoyub.
İşçilərə göndərilən məxfi memorandumda menecerlər vurğulayıblar ki, işçilər hərhansı mövzu barəsində yazışma edərkən iki dəfə düşünməlidirlər. Google-un ani mesajlaşma alətlərində də dəyişikliklər edilib və mesajların “qeyddən kənar” göndərilməsi standart olaraq istifadə edilib. Beləcə diqqətsiz yazılan ifadələr belə, ertəsi gün avtomatik olaraq silinib. Google həmçinin vəkil-müştəri imtiyazından bir növ hüquqi qalxan kimi istifadə etmək siyasəti yürüdür. İşçilərə e-məktublara “vəkil-müştəri imtiyazı” qeydini daxil etmək və mümkün olduqda Google vəkilini alıcı siyahısına daxil etmək tapşırılıb. Bu strategiyalar antiinhisar işlərində hakimlər tərəfindən sərt tənqidlərə məruz qalıb.
