Maliyyə hesabatları cəmiyyətin bütün təbəqələri tərəfindən maraqla gözlənilən Nvidia, yenidən rekord qıraraq gəlirini təxminən 2 dəfə artırıb. Görünən odur ki, süni intellekt Nvidia üçün hələ də müsbət tendensiya yaradır.
Artıq son dövrlərdə, hər kəs Nvidia şirkətinin maliyyə hesabatlarını açıqlayarkən hansı rekordu qırdığını və hansı inkişafı əldə etdiyini gözləyir. İlin üçüncü rüb hesabatlarına görə, Nvidia-nın gəliri 35,1 milyard dollar olub. Analiz gözləntilərini 6 faiz üstələyən şirkətin keçən ilin eyni dövrü ilə müqayisədə 94 faiz artım yaşadığı bildirilib. Bu isə o deməkdir ki, Nvidia rekord yeniləyərək ötən ilki gəlirini təxminən 2 dəfə artırmağı bacarıb.
Şirkət ən çox gəliri məlumat mərkəzlərində əldə edib. 112% artım əldə edən Nvidia, 30,8 milyard dollarlıq rekord rəqəmə çatıb. Oyun gəlirləri isə bu dövrdə 15% artaraq 3,3 milyard dollara çatıb. Şirkətin mənfəəti 19,31 milyard dollarla yeni rekord qırsa da, illik bazda iki dəfədən çox artıb. İlin son rübündə Blackwell satışları ilə şirkətin gəlirlərinin 37,5 milyard dollara yüksələcəyi gözlənilir. Bununla belə, investorlar məyusdur. Belə ki, investorlar şirkət gəlirlərinin artım tempinin yavaşladığını düşünürlər. Məhz bu səbəbdən hesabat dərc edilərkən şirkətin səhm qiymətləri 2.5% ucuzlaşıb. Nvidia-nın gəliri 94% artaraq 35,08 milyard dollara çatsa da, artım tempi əvvəlki üç rübdən müvafiq olaraq 122%, 262% və 265%-dən hələ də yavaşdır.
