8 Avqust tarixində rəsmi olaraq Azərbaycan bazarı üçün keçirilmiş təqdimat tədbirinin ardınca HONOR 200 seriyası ölkəmizdə debüt etdi. HONOR 200 seriyası bu il xüsusilə 2 vacib modelin Azərbaycan bazarında anons edilməsi ilə yadda qaldı. Gəlin, HONOR 200 seriyası ilə bu məqaləmizdə daha yaxından tanış olaq!
HONOR 200 Pro və HONOR 200 seriyanı bu il qlobal bazarda təmsil edən top 2 modeldir. HONOR 200 seriyasının ən aşağı səviyyəli, lakin öz seqmentində olduqca iddial olan HONOR 200 Lite modeli haqqında daha əvvəl sizlərə danışmışdıq.
HONOR 200 Pro və HONOR 200 modellərinə gəldikdə isə, hər iki modelin fərqli seqmentləri hədəflədiyini söyləyə bilərik. HONOR 200 Pro ümumi model aralığında alt-flaqmandır. HONOR 200 isə bu vaxta qədər bazarda təmsil olunmuş orta-üst seqment seriyanın davamçısıdır.
Xüsusilə, HONOR 200 Pro modelindən başlasaq İstehsalçı xüsusi olaraq flaqman kamera xüsusiyyətləri ilə çəkilişləri və Parisin “Harcourt” portret studiyası ilə əməkdaşlıqda bu modeli əsl mobil fotoqrafiya üçün hazırlayıb. Cihaz, həmçinin çox güclü performansa sahib yeni prosessor, ən müasir silikon-karbon batareya, simsiz şarj dəstəyinə və tam nəzərdən keçirəcəyimiz bir çox digər maraqlı xüsusiyyətlərə malikdir.
HONOR 200 Pro mükəmməl kamera üçün yaradılıb
HONOR 200 Pro 3 rəng seçimi ilə birlikdə gəlir. Xüsusilə müəyyən rəng seçimində bu örtük 2 fərqli tekstura ilə diqqət çəkir. Arxa qapağın bir hissəsi mərmər hissiyatlı mat, bir hissəsi şüşə örtüyə malikdir. Arxa qapaq üzərindəki bu dizayn və eyni zamanda kamera modulunun yüksək premium hissiyat yaradan üslubu əslində, 20-ci əsrin əvvəllərində Barselonada inşa edilmiş məşhur UNESCO memarlıq abidəsi Casa Mila-dan ilhamlanıb. Təcrübəli memar dostlarımız artıq bu incə oxşarlığı təsəvvür edə bilərlər.
Smartfonun daxili hissəsinin hər tərəfdən toz, qum və su axınından tam qorunmasını təmin edən IP65 mühafizə sertifikatı elan edilib. Xüsusilə, smartfonun ekranının yağışda və ya kənardan su gəldiyi zaman toxunmaya adekvat cavab verməyi bacardığını nəzərə alsaq, beləliklə, yağışlı havalarda smartfonu istifadə etmək çox rahat olacaq. Dizaynla bağlı qeyd edə biləcəyim son detal isə 3 fərqli rəng seçimi ilə təklif olunmasıdır.
İndi isə əsas məsələ olan kamera ilə davam etməliyik. Çünki, bu model smartfonlar peşəkar portret çəkilişləri etməklə bağlı ciddi imkanlar əldə edib. Əsas kamera kimi OmniVision OVH9000 sensorundan istifadə olunur. Bu kamera sensor ölçüsü cəhətdən xeyli böyükdür və OIS, həmçinin EIS ilə gücləndirilib. Əlavə olaraq yan tərəfdə 2.5x optik yaxınlaşdırma dəstəkləyən Sony IMX856 əsaslı 50MP telefoto kamerası quraşdırılıb.
Əsas məsələ isə yüksək keyfiyyətli portretlər yaratmaq üçün Harcourt foto studiyası tərəfindən hazırlanmış üç ayrı rəng filtrinin (Canlı, Rəngli və Klassik) bu model üçün adaptasiya olunmasıdır. Harcourt studiyasının HONOR 200 Pro modelində təsirindən əlavə AI da ciddi rol oynayır. Nəticədə mühitdən aslı olaraq olduqca dramatik üslubda portretlərin HONOR 200 Pro ilə çəkilməsi mümkündür.
Qeyd edəcəyim digər bir detal isə əsas və telefoto kameralarının rəng nümayişi ümumiyyətlə olduqca yaxındır. Kameralar arasında keçid demək olar ki, hiss olunmur. Arxa tərəfdəki son kameramız isə 12MP ultra-geniş bucaqlı kameradır və o 2.5 sm-dən makro çəkilişləri dəstəkləyir. Həmçinin ön tərəfdə də yüksək keyfiyyətli fotolar yaradan 50MP kameramız mövcuddur.
Mükəmməl keyfiyyətli “hər tərəfdən” əyilən ekran
Ekran hər tərəfdən əyilmişdir, təkcə yanlardan deyil və 2.700 x 1.224 piksel təsvir ölçülü 6,78 düymlük AMOLED ekrandan istifadə edilir. Yeniləmə sürəti 120Hz-ə qədər dəstəklənir. Göz rahatlığı baxımından ekran 3840 Hz PWM texnologiyasını dəstəkləyir. Maksimum parlaqlıq açıq havada 4000 nit-ə qədər yüksəlir.
Müasir batareya və iddialı performans
Smartfon Snapdragon 8s Gen 3 ilə təchiz edilib. Snapdragon 8 Gen 3-dən biraz aşağı, Snapdragon 8 Gen 2-dən daha yüksək performansa, qənaətcil quruluşa malikdir. Cihazın alt-flaqman kateqoriyasına uyğun olduğunu nəzərə alaraq plastik gövdəyə əsaslansa belə, soyutma və performans baxımından cihaz istifadə zamanı problem yaşatmır.
Cihazın işləməsi 5200 mAh silikon-karbon batareya ilə təmin edilir. Gündəlik ssenaridə smartfon 24 saat normal işləyəcək. Bəzi aparılan video oynatma testləriində smartfon orta hesabla 27 saat video izləmə və 61 saat musiqi dinləmək olur. 100 Vt gücündə simli və ya 66 Vt-a qədər simsiz texnologiya ilə doldurulması mümkündür.
HONOR 200 modeli daha “səmərəli” təcrübə axtaranlar üçündür
Hər iki smartfon dizayn baxımından oxşardır. Eyni zamanda, onların bəzi xüsusiyyətləri eynidir. Aralarındakı ən böyük fərq isə çipset tərəfindədir.
HONOR 200-ün ekranı 6,7 düym olduğundan HONOR 200 Pro-nun ekranından diaqonal olaraq 0,08 düym daha kiçikdir. Bu da “Pro” modeli ilə müqayisədə hər düymə düşən piksel sayını “1” dənə azaldıb. Piksel sıxlığını 437PPI səviyyəsindən 435PPI səviyyəsinə gətirən bu fərq o qədər azdır ki, nəinki gözlə aradakı fərqi anlamaq mikroskop ilə baxsanız yenə də dəyişikliyi anlamaqda çətinlik çəkəcəksiniz.
Selfi kamerasında olan “Magic Island” HONOR 200 modelində tək kameraya dəyişdirilib. 2MP dərinlik sensoru ləğv edilib. Hər iki telefonun dörd tərəfindən əyilən kənarlar var və eyni alüminosilikat şüşədən istifadə olunur. Gorilla Glass markalı deyil, lakin cızıqlara qarşı kifayət qədər davamlıdır. Honor hər iki telefonu qutuya yerləşdirərkən cihazları ekran qoruyucuları ilə təchiz edib. Hər iki telefon ekranın altındakı optik barmaq izi oxuyucularından istifadə edilib.
Ekranla bağlı digər texniki detallar hər iki model üçün eynidir.
Ekran texniki baxımdan HONOR 200 Pro ilə bənzərlik daşısa da selfi kamerasında “Magic Island” HONOR 200 modelində tək kameraya dəyişdirilib. 2MP dərinlik sensoru ləğv edilib. HONOR 200 Pro modelində işlədilən 50MP sensor daha böyük piksellərə və biraz daha geniş diyafraqmalı obyektivə malikdir. Bu sadəcə o deməkdir ki, işıq udulması HONOR 200 Pro-da daha yaxşı olmalıdır. Həmçinin HONOR 200 Pro-da 3 dene sensor var və bunlar “Flicker/color temp/ambient light” sensorudur. HONOR 200 isə sadəcə 1 ədəd “ambient light” sensoruna sahiblik edir.
Digər 2 kamera və sensorlar hər iki telefonda tamamilə eynidir. Harcourt foto studiyasının texnologiyaları ilə kamera imkanlarımız HONOR 200-də zənginləşdirilməyib. Smartfon öz gücünü Snapdragon 7 Gen 3 çipsetindən alır. Burada qeyd etmək lazım olan digər bir şey odur ki, HONOR 200 Pro modeli yalnız daha yaxşı bir prosessora malik deyil, həm də bir növ siqnal gücləndiricisindən istifadə edir. HONOR 200 Pro modeli digər modellərdə olmayan HONOR-un özünün RF C1+ çipi ilə təchiz edib. Bu o deməkdir ki, nəinki HONOR 200 ilə müqayisədə, digər öz seqmentindən olan rəqibləri ilə müqayisədə HONOR 200 Pro modeli siqnalın zəif olduğu sahələrdə daha yaxşı bağlantı təmin edəcək.
Smartfon 100 Vt sürətli şarj dəstəyi ilə 5200 mAh batareyaya sahibdir. Qısaca bu model HONOR 200 təcrübəsini nisbətən aşağı büdcə ilə yaşamaq istəyənlərin seçimi olacaq. Beləliklə, silikon-karbon batareyaları, sudan qorunma standartı, parlaq və güclü ekranları, MagicPortal, Magic Capsule kimi proqram xüsusiyyətləri, HONOR ekosisteminin üstünlükləri kimi nüansları nəzərə alsaq HONOR 200 seriyası sizlər üçün yeni mərhələ olacaq.
